Skagfirsk bakrödd og skagfirskir áhorfendur
Frábær árangur Eyþórs Inga og félaga í undankeppni Eurovision í gærkvöldi ætti ekki að hafa farið framhjá lesendum Feykis. Sauðkrækingurinn Kristján Gíslason var þar meðal fjögurra bakradda og einnig mun nokkur fjöldi Skagafirðingar hafa verið meðal áhorfenda, bæði á lokaæfingu og forkeppninni.
Í samtali við Feyki nú rétt í þessu sagði Kristján íslenska hópinn finna vel fyrir öllum stuðningnum og straumunum að heiman. „ Maður fékk eitthvað í augað þegar kveðjurnar fóru að berast og missti aðeins kúlið þegar Ísland var dregið upp úr pottinum.“
Kona Kristjáns, Hofsósingurinn Elín Greta Stefánsdóttir, ásamt fjórum öðrum Skagfirðingum sem voru með henni í för, fylgdust með undankeppninni í gær og var Kristján nýbúinn að kveðja þennan góða fylgdarhóp sinn, sem átti flug heim í dag, þegar blaðamaður Feykis spjallaði við hann á facebook nú í morgunsárið.
„Það var frábært fyrir mig að hafa þau með, það munar miklu,“ sagði Kristján. Og þetta voru aldeilis ekki einu Skagfirðingarnir sem lögðu leið sína til Malmö í tilefni keppninnar, því 10. bekkingar úr Árskóla á Sauðárkróki, sem eru í skólaferðalagi í Danmörku, fóru ásamt fylgdarmönnum sínum til Malmö að horfa á lokaæfingu fyrir forkeppnina í gær. „Ég heyrði í þeim alla leið upp á svið“ segir Kristján, kátur með þennan stuðning sveitunga sinna.
Kristján er ekki að taka þátt í Eurovision í fyrsta sinn, því hann flutti lagið Angel fyrir Íslands hönd í Parken í Danmörku árið 2001. Árið 2010 söng hann svo bakrödd með Heru í Osló. Kristján segist kunna betur við sig í bakröddum í Eurovision. „Hitt er aðeins of mikil sirkus fyrir sveitarstrákinn!“
Það er nóg framundan hjá íslenska hópnum og í dag verða t.a.m. tvær æfingar á sviði, þar af ein fyrir dómnefnd.
Fleiri fréttir
-
Tengill bauð lægst í rafbúnað fyrir Skagastrandarhöfn
feykir.is Austur-Húnavatnssýsla, Lokað efni 20.12.2025 kl. 10.10Alls bárust sex tilboð í rafbúnað og uppsetningu og tengingar á honum fyrir Ásgarð og Miðgarð við Skagastrandarhöfn. Verkið var boðið út í nóvember og rann tilboðsfrestur út 2. desember síðastliðinn. Áætlaður verkkostnaður er 31,5 milljónir króna og lægstbjóðandi var Tengill á Sauðárkróki, sem bauð 23,3 milljónir í verkið eða 74% af kostnaðaráætlun.Meira -
Raggý gefur okkur smá innsýn í sinn jólaheim
feykir.is Skagafjörður, Lokað efni 20.12.2025 kl. 09.00Blaðamaður setti sig í samband við nokkrar alvöru jólakúlur og forvitnaðist um jólatréið á heimilinu. Allir hafa sínar jólatréssérviskur og áhugavert að heyra misjafnar hefðir á heimilum fólks þegar kemur að jólaténu. Sumir eru alltaf með lifandi tré á meðan aðrir eru með gervi. Helgispjöll að skreyta tréið fyrr en á Þorláksmessu, bannað að kveikja fyrr en klukkan sex á aðfangadag á meðan sum heimili setja tréið í fullan skrúða í upphafi aðventu. Gervitré eru ekki jólatré það vantar allann ilminn, ekkert lifandi tré á mitt heimili með öllu því dýralífi sem því getur fylgt, þetta eru allt saman örfá dæmi um jólatréssérviskur fólks.Meira -
David og Manu framlengja við Tindastól!
feykir.is Skagafjörður, Íþróttir, Lokað efni 19.12.2025 kl. 16.02Tindastóll hefur náð samkomulagi við David Bercedo og Manuel Ferriol um framlengingu á samningum þeirra við félagið til næstu tveggja ára! Í yfirlýsingu frá knattspyrnudeildinni segir að báðir leikmenn hafi verið lykilmenn í Meistaraflokki karla og lagt sitt af mörkum bæði innan vallar sem utan. Framlengingarnar eru liður í áframhaldandi uppbyggingu liðsins og undirstrika metnað félagsins fyrir komandi ár.Meira -
Jákvæð rekstrarniðurstaða í fjárhagsáætlun Húnabyggðar fyrir 2026
feykir.is Austur-Húnavatnssýsla 19.12.2025 kl. 15.07Fjárhagsáætlun Húnabyggðar fyrir árið 2026, sem og þriggja ára áætlun áranna 2027-2029, var samþykkt á sveitarstjórnarfundi á mánudaginn. Í frétt á Húnahorninu segir að áætlað er að heildartekjur A og B hluta verði 2.883 milljónir króna árið 2026, rekstrargjöld 2.423 milljónir og afskriftir rúmar 161 milljón. Rekstrarniðurstaða fyrir fjármagnsliði er áætluð jákvæði um 299 milljónir en að teknu tilliti til þeirra, jákvæð um 124 milljónir. Veltufé frá rekstri er áætlað rúmar 362 milljónir en afborganir langtímalána tæpar 274 milljónir.Meira -
Jólatónleikar í Hóladómkirkju
feykir.is Skagafjörður 19.12.2025 kl. 11.05Föstudaginn 19.desember verða jólatónleikar Skagfirska kammerkórsins í Hóladómkirkju, tónleikarnir hefjast kl.20. Á dagskrá eru gömul og góð jólalög í bland við nýrri, m.a. verður nýtt fallegt jólalag frumflutt sem var samið fyrir kórinn í tilefni af 25 ára afmæli kórsins, lagið er eftir Auði Guðjohnsen og ljóðið eftir okkar ástæla skáld Sigurð Hansen í Kringlumýri Skagafirði.Meira
