,,Stekk á fólk í nýju prjónlesi og grátbið um nafnið á uppskriftinni,,
Íris Olga Lúðvíksdóttir býr í Flatatungu frammi á Kjálka með Einari sínum Gunnarssyni. Þau eiga þrjú og hálft uppkomið barn sem öll eru langt komin til manns, vel gerð og viti borin sem þau eru. Við búum með sauðfé, nokkur hross og þrjár tíkur og svo sinni ég uppfræðslu barna í framhéraðinu, er með starfsstöð í Varmahlíðarskóla.
Hvernig byrjaðir þú og hve lengi hefur þú stundað hannyrðir? Ætli ég sé ekki eins og margir aðrir prjónarar, lærði að fitja upp á hjá ömmu og/eða mömmu, prjónaði misgóð stykki í grunnskóla og svo fékk ég smá æði á unglingsárunum. Prjónaði þá nokkrar peysur, sumar sem ég á meira að segja enn og nota. Ekki oft þó.
Hvaða handavinna þykir þér skemmtilegust? Ég fyrst og fremst prjóna, er frekar lítt reyndur heklari og glötuð á saumavél, áhugasamir geta spurt nemendur í textílvali sem hafa fengið mig sem afleysingakennara
Hverju ertu að vinna að um þessar mundir? Ég er að vinna með ungbarnaþrennu, það eru þrjú börn í fjölskyldu- og vinaradíusnum sem eru mislangt komin í heiminn. Ég er að reyna að myndast við að prjóna a.m.k. peysu og húfu á hvert þeirra, þ.e.a.s. ef ég hef mig í gegnum X#$%” húfuuppskriftina sem ég valdi.
Hvar færðu hugmyndir? Fyrir það fyrsta prjóna ég aldrei upp úr sjálfri mér (fyrir utan eina peysu sem ég prjónaði á 15. ári mínu og á enn!) þannig að ég er örugglega eins og margir prjónarar, fletti gegnum blöð og samfélagsmiðla eða stekk á fólk í nýju prjónlesi og grátbið um nafnið á uppskriftinni. Undanfarin ár hef ég líka búið svo vel að geta ráðfært mig við ofurprjónavinkonur mínar, þær Laufeyju Haralds og Svönu Páls. Við þrjár höldum úti jútúbþætti, Band & bækur, þar sem við ræðum prjón og bækur, aðallega prjón þó. Það er nokkuð ljóst að af okkur þremur læri ég langmest því afköst þeirra og fjölbreytni í verkefnavali er nokkrum ljósárum meir en ég næ.
Hvaða handverk sem þú hefur unnið ertu ánægðust með? Ég er venjulegast ánægð með allt það sem mér tekst að klára þannig að það passi á þann sem á að fá flíkina, hvort sem það er ég eða aðrir. Þessa dagana er ég voða svag fyrir finnskum hönnuðum og það er ekki bara af því ég held svo upp á landið og tungumál! Ég er mjög sátt með lopapeysuna Hiutaleneule frá Villahullu (sem þýðir prjónabrjáluð á finnsku – oh, elska finnsku!) úr Álafosslopa og jafnánægð með fínni gatamunsturpeysuna Kuutar (jú, það ku útleggjast sem tunglgyðja) eftir Saari Nordlund. Svo langar mig að prjóna fleira með brioche-munstur, sem ég tel nokkuð víst að sé bara gamla góða klukkuprjónið á sterum. Eitt af mínum uppáhaldssjölum er einmitt Baubles eftir Andreu Mowry en hún notar stundum Brioche í hönnunina sína.
Eitthvað sem þú vilt bæta við? Jahá, ég er u.þ.b. að farast úr tilhlökkun að fá til baka sex reyfi af okkar lömbum sem smáspunaverksmiðjan Uppspuni breytti í fínasta garn. Nú þarf ég bara að læra að lita eitthvað af þessum heimaræktaða léttlopa – svo fer ég að dæla út lopapeysum.
Áður birst í tbl. 9 Feykis 2023.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.