Stelpurnar í Tindastól þurfti að lúta í gras á Ísafirði
Meistaraflokkur kvenna Tindastóls lagði land undir fót og keyrði vestur á firði og lék við BÍ/Bolungarvík sl. laugardag í fyrstu deildinni. Leikurinn var mikill baráttuleikur að sögn Péturs Björnssonar þjálfara liðsins en mikil áhersla var lögð á að stöðva erlendu leikmenn BÍ/Bolungarvíkur sem sennilega eru tveir bestu leikmenn deildarinnar.
-Við áttum í ákveðnum vandræðum í fyrrihálfleik með þær og Vestfirðingarnir meira með boltann og náðu að skora mark um miðjan hálfleikinn. Við áttum þó tvo ágæta möguleika á mörkum úr föstum leikatriðum. Í seinni hálfleik náðum við smátt og smátt betri tökum á leik okkar og segja má að við vorum betra liðið er leið á leikinn og áttum fín færi til að jafna en því miður tókst það ekki. Rakel Hinriks átti skalla í stöng, Hugrún komst ein á móti markmanni og Harpa átti skot í varnarmann þegar markmaður þeirra var hvergi nálægur markinu, svo eitthvað sé nefnt af færum okkar. Ég var mjög ánægður með baráttu stelpnanna í leiknum og raun nokkuð sáttur við okkar leik en þetta vildi ekki detta með okkur í þetta skiptið, segir Pétur.
Sem stendur er liðið í 6. sæti deildarinnar með 9 stig en að sögn Péturs er markmiðið að halda sér um miðja deild og því verður að halda áfram og kroppa í nokkur stig í viðbót. Næsti leikur Tindastóls er við Álftanes, úti, á föstudaginn og þar verður allt lagt í sölurnar til að ná í 3 stig.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
