Stólarnir nældu í stig í Breiðholtinu
Tindastóll sótti Leikni heim í Breiðholtið í 1. deild karla í gær. Leikurinn var kaflaskiptur en heimamenn þó sterkari aðilinn í fyrri hálfleik og voru yfir í hálfleik. Stólarnir jöfnuðu hins vegar undir lok leiksins og liðin skiptu því stigunum á milli sín. Lokatölur 1-1.
Ólafur Hrannar Kristjánsson gerði mark Leiknis á 41. mínútu en samkvæmt frásögn á vef Tindastóls notaði hann hendina til að skora eftir hornspyrnu en forystan var verðskulduð.
Leikmönnum Tindastóls hafði gengið illa að halda boltanum innan liðsins en leikur liðsins skánaði í síðari hálfleik. Sebastian Furness markvörður Tindastóls sá engu að síður til þess að Leiknismenn næðu ekki að auka forskotið en það var ekki fyrr en á 90. mínútu sem Stólarnir jöfnuðu leikinn en þá skoraði Ben Everson úr víti eftir að leikmaður Leiknis hafði handleikið knöttinn. Stólarnir vildu fá annað víti skömmu síðar en dómarinn taldi að brotið hefði verið á Dominic Furness utan teigs og aukaspyrnuna náðu gestirnir ekki að nýta og lokatölur því 1-1.
Tindastólsmenn geta spilað mun betur en þeir gerðu gegn Leikni en engu að síður var það hið besta mál að ná stigi út úr leiknum. Þá var það gleðilegt að besti leikmaður Tindastóls í fyrra, Arnar Sigurðsson, kom inná í gær en hann hefur verið frá vegna meiðsla frá áramótum. Næstkomandi laugardag eiga Stólarnir síðan heimaleik gegn Hetti frá Egilsstöðum en Hettirnir hafa staðið sig með ágætum í 1. deildinni í sumar, hafa krækt í fleiri stig en Stólarnir og hafa byggt á sterkum varnarleik.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
