Stólarnir taka á móti Stjörnunni í kvöld
Stjarnan heimsækir Tindastólsmenn í Síkið í kvöld en bæði lið hafa unnið báða sína leiki í riðlinum til þessa og eru því efst í Lengjubikarnum og jöfn með tvo sigra, samkvæmt heimasíðu Tindastóls. Það er því afar mikilvægt að landa sigri í kvöld upp á framhaldið í keppninni.
Lið Stjörnunnar kom í heimsókn í fyrsta leik tímabilsins í Domino's deildinni og tók með sér tvö stig úr Síkinu.
„Stigamaskínan Marvin Valdimarsson Stjörnumaður hefur farið gríðarlega mikinn í upphafi móts og hefur skorað mest allra Íslendinga í Domino's deildinni eða 24 stig að meðaltali og hefur verið á svakalegu flugi í sókninni. Justin Shouse þekkja allir, kappinn sá kom til skjalanna í þriðja leikhluta í leik liðanna á dögunum og sýndi þá og sannaði að hann er ekkert að gefa eftir. Þá er ógetið kappa á borð við Jovan, Fannar, Brian Hill, Dags Kár og fleiri áhugaverðra leikmanna í Stjörnuliðinu,“ segir um lið Stjörnunnar heimasíðu Tindastóls.
Á heimasíðunni kemur einnig fram að Tindastólsstrákarnir hafa verið að spila oft á tíðum ágætlega en hafa ekki haft taugar til að klára leikina svo vel sé í Domino's deildinni þó tækifæri hafi verið fyrir hendi. „Mikilvægt er að þeir haldi þó áfram að vinna í sínum leik og þróa hann og þá er Lengjubikarinn kærkominn,“ segir loks á heimasíðunni.
Dómarar verða þeir Sigmundur Már Herbertsson og Halldór Geir Jensson.
Leikurinn hefst kl. 19.15.
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
