Stór björgunaræfing í Skagafirði um aðra helgi
Laugardaginn 27. október verður haldin stór björgunaræfing í Skagafirði. Á æfingunni verður sett á svið stórt rútuslys og viðbrögð við því. Þannig munu allir viðbragðsaðilar á svæðinu koma að æfingunni, en þeir eru Almannavarnir, Brunavarnir Skagafjarðar, Lögreglan í Skagafirði, Heilbrigðisstofnun Sauðárkróks, Rauði krossinn í Skagafirði og allar björgunarsveitir í Skagafirði.
Bjarni Kristófer Kristjánsson sem situr í landsstjórn björgunarsveita segir að til þess að æfingin verði sem raunverulegust er nauðsynlegt að fá leikara til að leika sjúklinga og aðstandendur þeirra.
-Við leitum nú eftir leikurum til að aðstoða okkur við æfinguna, bæði til að leika slasaða einstaklinga og aðstandendur þeirra. Leikarar þurfa að vera tiltækir frá kl 7 að morgni til um 17 síðdegis. Æfingarstjórn mun sjá leikurum fyrir mat og annarri hressingu á meðan á æfingu stendur. Það að taka þátt í slíkri æfingu er skemmtilegt og veitir einstakt tækifæri til þess að kynnast því hvernig viðbragðsaðilar í Skagafirði standa sig.
Þeir sem hafa áhuga á að leika sjúkling hafi samband við Bjarna Kristófer Kristjánsson - bjakk@holar.is eða í síma 8944771
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
