Styrkir til rannsókna og varðveislu á menningararfi
Byggðasafn Skagfirðinga hefur verið tilkynnt að Menningarráð Norðurlands vestra muni styrkja þrjú verkefni fyrir árið 2012. Fornleifadeild safnsins fékk 300.000 kr. til áframhaldandi vinnu við gerð gagnagrunns um fornbyggð í Skagafirði og 600.000 kr. til skráningar og rannsókna minja í Málmey. Þriðji styrkurinn var 250.000 kr. til smíðar kljásteinsvefstóls, en slíkir vefstólar voru í notkun frá upphafi Íslandsbyggðar og allt fram á 19. öld. Fornverkaskólinn fékk einnig úthlutaðan styrk upp á 250.000 kr. fyrir verkefnið Alþjóðlegt námskeið í torfhleðslu - menningararfur og sjálfbær ferðaþjónusta.
Í Málmey er ætlunin að skrá allar fornar sem nýrri byggðaleifar. Jafnframt því að kanna hvort hægt verður að finna kirkju sem var í Málmey og fornan kirkjugarð, líkt og gert hefur verið víðar í héraðinu á undanförnum árum.
Um gerð gagnagrunnsins verða, samkvæmt heimasíðu Byggðasafnsins, færðar inn allar heimildir úr útkomnum bindum Byggðasögunnar í rafrænan gagnagrunn og á kort þannig að upplýsingarnar verði aðgengilegri til frekari rannsókna og kynningar. Bæði verkefnin eru samstarfsverkefni Byggðasafnsins og Byggðasögu Skagafjarðar.
Kljásteinsvefstóll til kennslu á fornum vefnaðaraðferðum
Sem fyrr segir stendur til að smíða kljásteinsvefstól en að sögn Sigríðar Sigurðardóttur, safnstjóra Byggðasafnsins, voru slíkir vefstólar í notkun frá upphafi Íslandsbyggðar og allt fram á 19. öld.
Stóllinn verður settur upp í Auðunarstofu til að byrja með og er ætlunin að nota hann til kennslu á fornum vefnaðaraðferðum. Gerð stólsins er hluti af samstarfsverkefni Byggðasafnsins, Safnamiðstöðvar Hörðalands í Noregi og Fornverkaskólans, um kennslu og varðveislu á fornum handverksaðferðum.
Safnaráð hefur einnig tilkynnt Byggðasafninu að þeir hafa hlotið tvo styrki úr Safnasjóði, annarsvegar 1.000.000 kr. til munaskráninga og 1.400.000 kr. í rekstrarstyrk.
Samkvæmt fundargerð Menningarráðs Norðurlands vestra frá 2. apríl sl. verða menningarstyrkirnir úthlutaðir í Félagsheimilinu Ljósheimum í Skagafirði fimmtudaginn 26. apríl kl. 17.00. Menningarráð samþykkti styrki til 67 aðila, samtals að upphæð 23,9 milljónir króna.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
