Sumarið hafið hjá golfunnendum
Sumarið er hafið hjá kylfingum og margt framundan hjá Golfklúbbi Sauðárkróks á Hlíðarendavelli. Þar er fyrst á dagskrá Hvítasunnumót Loðfelds sem fer fram nk. laugardag og svo hefst Golfskóli Golfklúbbsins þriðjudaginn 5. júní nk.
„Völlurinn var opnaður fyrir klúbbmeðlimi og gesti þann 25. apríl sl. en það eru langt síðan að hægt var að opna golfvöllinn þetta snemma,“ segir Sigríður Elín Þórðardóttir formaður mótanefndar GSS.
Þetta er í fyrsta sinn sem haldið er Hvítasunnumót Loðfelds en Loðfeldur er aðalstyrktaraðili mótsins og hafa styrkt GSS mót áður. Ræst verður út á öllum teigum kl. 10:00 og mæting því eigi síðar en 9:30.
„Upphafleg mótaskrá gerði ráð fyrir opnunarmóti 2. júní en þar sem völlurinn er kominn í frábært stand miðað við árstíma og veðurspáin er góð var ákveðið að halda þetta mót um helgina,“ segir Sigríður Elín.
Um er að ræða punktakeppni og hámarksleikforgjöf karla er 24 og kvenna 28 en í punktakeppni fá kylfingar punkta eftir höggfjölda á holu með tilliti til forgjafar hvers og eins, að sögn Sigríðar Elínar. Forgjöf segir til um getu kylfings, þ.e. allir byrjendur fá ákveðna forgjöf en hún getur verið mismunandi eftir völlum og löndum. Fyrirkomulagið er byggt á svokölluðu Stableford, um það má sjá nánar hér.
Golfskóli fyrir krakka
Golfskóli GSS hefst þriðjudaginn 5. júní, sem fyrr segir, og verður hann starfræktur mánudaga til fimmtudaga í sumar frá kl. 10 – 15 og föstudaga kl. 10 - 12. Golfskólinn ætlaður fyrir 7 – 11 ára (yngsti árgangur 2005) verður milli kl. 10 og 12. Síðan verða 12 ára og eldri á milli kl. 10 og 15.
„Þjálfari í golfskólanum alla daga í sumar verður Thomas Olsen golfkennari frá Danmörku. Honum til aðstoðar verða reynslumiklir unglingar úr klúbbnum,“ segir Sigríður Elín.
Gjald er kr. 15.000 fyrir 7-11 ára og kr. 20.000 fyrir 12-16 ára. Þetta gjald er fyrir allt sumarið og inni í því er aðgangur að vellinum fyrir sumarið.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
