Sveiflukennt gegn Stjörnunni
Tindastóll lék í gærkvöldi gegn Stjörnunni í Garðabæ í Dominos-deildinni í körfubolta. Stjörnumenn skipa eitt af betri liðum deildarinnar og er skemmst frá því að segja að Stólarnir höfðu ekki erindi sem erfiði þrátt fyrir að hafa á köflum spilað ágætan körfubolta og sýnt góða baráttu. Lokatölur 101-84.
Það var skarð fyrir skildi að Þröstur Leó var ekki til taks í gærkvöldi en nokkur meiðsli herja á Tindastólsmenn og það er ekki beinlínis þannig að liðið megi við því. Pétur Rúnar Birgisson kom inn í byrjunarlið Stólanna og hann gerði fyrstu stigin í leiknum þegar hann baunaði niður einum þristi. Lið Tindastóls kom einbeitt til leiks og hafði í fullu tré við heimamenn í fyrsta leikhluta. Pétur kom Stólunum yfir, 15-16, með 3ja stiga körfu um miðjan leikhlutann en það voru heimamenn sem voru stigi yfir, 26-25, að leikhlutanum loknum.
Valentine kom Stólunum yfir í byrjun annars leikhluta en þá komu 11 stig í röð hjá heimamönnum á tveimur mínútum án þess að Stólarnir næðu að svara og skyndilega hafði leikurinn hlaupið frá gestunum. Þeir náðu þó að setja fyrir lekann í nokkrar mínútur en Stjörnumenn náðu öðru góðu áhlaupi skömmu fyrir leikhlé og voru 3ja stiga skyttur heimamanna búnar að kortleggja fjalirnar í Ásgarði þegar þarna var komið sögu. Staðan 59-42 í hálfleik.
Þriðji leikhluti var ágætur hjá Stólunum sem náðu að saxa á forskot Stjörnunnar og náðu muninum niður í 8 stig, 64-56, þegar leikhlutinn var rúmlega hálfnaður. Stjörnumenn börðu í brestina og bættu við forskotið áður en leikhlutinn var úti og í lokafjórðungnum voru heimamenn sterkari og juku forskotið í 20 stig en lokatölur sem fyrr segir 101-84.
Tindastóll er á botni deildarinnar að 12 umferðum loknum. Það eru 10 umferðir eftir og nóg af stigum í pottinum en ljóst að Tindastólsmenn verða að halda vel á spöðunum ef þær ætla ekki að skoða sig um í 1. deildinni næsta vetur. Nokkur liðanna í deildinni hafa styrkt lið sitt eftir jólafrí og spurning hvort Stólarnir þurfa ekki að fara að horfa í kringum sig.
Næsti leikur er strax á fimmtudaginn en þá koma Vesturbæjarkóngarnir í KR í heimsókn í Síkið. Þá væri ekki slæmt að setja í gírinn og bensínið í botn – áfram Tindastóll!
Stig Tindastóls: Valentine 23/11 frk, Gibson 15/8 sto., Helgi Rafn 12/9 frk., Pétur Rúnar 11, Helgi Freyr 8, Svavar Atli 7, Hreinn Gunnar 6 og Sigtryggur Arnar 2.
Fleiri fréttir
-
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira -
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira
