Sveitarfélagið tekur gamla RKS húsið á leigu
Á síðasta fundi byggðaráðs Skagafjarðar var lagður fram húsaleigusamingur á milli Sveitarfélagsins Skagafjarðar og Kaupfélags Skagfirðinga um atvinnuhúsnæði að Borgarflöt 27, Sauðárkróki, gamla RKS húsið. Skiptar skoðanir voru um ágæti samnngsins.
Þeir nafnar Gísli Árnason og Gísli Sigurðsson vildu meina að frá birtingu auglýsingar eftir atvinnuhúsnæði þann 18. mars hefur byggðarráð ekkert verið upplýst hvort og þá hverjir buðu fram húsnæði og létu bóka eftirfarandi:
"Sveitarfélagið Skagafjörður auglýsti eftir atvinnuhúsnæði þann 18. mars síðastliðinn, sem sveitarstjóri kynnti fulltrúum byggðaráðs sama dag, vegna fyrirspurnar um málið.
Fyrir þessum fundi liggur samningur undirritaður með fyrirvara, milli Sveitarfélagsins Skagafjarðar og Kaupfélags Skagfirðinga, dags. 17. maí síðastliðinn, til rúmlega þriggja ára að verðgildi 18 milljónir króna án vsk. Samkvæmt samþykktum sveitarfélagsins fer byggðarráð með fjármálaumsýslu sveitarfélagsins. Frá birtingu auglýsingarinnar hefur byggðarráð ekkert verið upplýst hvort og þá hverjir buðu fram húsnæði, með hvaða kjörum og yfirleitt enga aðkomu haft af þessu máli. Byggðarráð hefur engar upplýsingar um hvaða kostir eru í boði. Rétt og skylt er einnig að bera slíkan samning undir byggðaráð áður en hann er undirritaður af hálfu sveitarfélagsins. Þetta eru ótæk vinnubrögð meirihlutans og með öllu ólíðandi."
Þórdís Friðbjörnsdóttir og Gréta Sjöfn Guðmundsdóttir töldu að skjálfti væri í mönnum vegna komandi kosninga því að þeirra mati lágu upplýsingar og rökstuðningur málsins fyrir fundinum og óskuðu að bókað yrði eftirfarandi:
"Það er ljóst miðað við bókun minnihlutans að það líður að sveitarstjórnarkosningum og skjálfti í mönnum. Sveitarfélagið hefur lengi leitað að hentugu leiguhúsnæði fyrir ýmsa starfsemi. Með tilkomu á leigu húsnæðisins að Borgarflöt 27, fæst húsnæði sem hentar starfsemi sveitarfélagsins afar vel og gefur tækifæri til hagræðingar og endurskipulagningar húsnæðismála til framtíðar litið. Starfsmenn hafa unnið af heilindum að þarfagreiningu og horft til hagsmuna sveitarfélagsins. Fyrir fundinum liggur greinargerð með nægjanlegum
upplýsingum og rökstuðningi sem sýnir að sú stefnumörkun sem allir flokkar hafa verið sammála um fram að þessu hafi náðst. Húsnæðið uppfyllir þær kröfur sem leitað var eftir. Annað húsnæði sem boðið er hentar ekki eins vel, miðað við þær forsendur og þarfagreiningu sem lagt hefur verið upp með og því óþarft að bíða með frekari ákvörðun í málinu."
Fleiri fréttir
-
Andstaða í kerfinu og þar við situr
feykir.is Skagafjörður, Lokað efni 07.05.2025 kl. 16.36Feykir sagði frá því í gær að Guðmundur Ingi Kristinsson mennta- og barnamálaráðherra hafi tekið þá ákvörðun að Háholt kæmi ekki til greina sem neyðarvistun fyrir börn. Fram kom að mjög strangar kröfur eru til húsnæðis sem ætlað er til neyðarvistunar barna, kröfur sem húsnæðið í Háholti uppfylli ekki nema með miklum framkvæmdum. Feykir bar þetta undir Einar E. Einarsson forseta sveitarstjórnar Skagafjarðar.Meira -
Rocky Horror í Hofi um helgina
feykir.is Skagafjörður, Austur-Húnavatnssýsla, Vestur-Húnavatnssýsla 07.05.2025 kl. 14.56Nemendafélag Fjölbrautaskóla Norðurlands vestra hefur undanfarin ár sett upp metnaðarfullar leiksýningar og fara nú í Hof á Akureyri með Rocky Horror.Meira -
„Ég hef trú á getu okkar til að ná árangri“
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 07.05.2025 kl. 14.54„Ég er mjög bjartsýnn á þennan hóp stráka. Við erum að koma seint saman en á þeim stutta tíma sem við höfum verið saman höfum við stigið stór skref í rétta átt,“ segir Dominic Furness, þjálfari Kormáks Hvatar þegar Feykir spurði hann hvort hann teldi að hópurinn hans væri að smella saman fyrir sumarið.Meira -
Dýrbítur í Austurdal
feykir.is Skagafjörður, Lokað efni 07.05.2025 kl. 12.55Refur lagðist á lömb á Stekkjarflötum í Austurdal, (Austurdalur er talinn byrja við Grjótá, svo bærinn telst ekki til Kjálka) í vikunni og urðu bændur þess varir aðfaranótt þriðjudags að lömb væru farin að hverfa af túninu og ummerki um aðfarir rebba sáust.Meira -
Gjaldfrjáls garðlönd Skagafjarðar
feykir.is Skagafjörður 07.05.2025 kl. 11.30Garðlönd sveitarfélagsins á Sauðárkróki, Varmahlíð (upp við Reykjarhólsskóg) og Hofsósi (Grafargerði) verða til reiðu á næstu dögum og gaman að segja frá því að þetta er á sömu staðsetningum og síðast.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.