Sveitasæla hjá nemendum Varmahlíðarskóla
Nú er sauðburður hafinn en þá er hver vinnandi hönd verðmæt í sveitum landsins. Sveitadagar er framlag Varmahlíðarskóla til samfélagsins og njóta allir góðs af. Nemendur skólans eru þá fimm daga við störf í sveit, einhverjir heima hjá sér og aðrir hjá vinum, vandamönnum eða einhverjum þeim sem þeir kjósa að vera hjá, segir Ágúst Ólason skólastjóri Varmahlíðaskóla í samtali við Feyki.
„Markmiðin með þeim eru m.a. að efla vitund nemenda fyrir náttúrunni og þeim breytingum sem vorið ber með sér, að kynna fjölbreytileika nærsamfélagsins fyrir nemendum, að kynna búskaparhætti og heimabyggð fyrir nemendum. Einnig að laga skólahaldið að óskum og þörfum heimabyggðar í sveit og að kynna verknám fyrir nemendum,“ segir Ágúst.
Samkvæmt Ágústi er áralöng hefð fyrir sveitadögum í Varmahlíðarskóla þó þeir hafi ekki ávallt verið eins útfærðir. Upphaflega komu þeir til sögunnar með samstarfi fjögurra skóla um heimabyggðarverkefni. Skólarnir voru Varmalandsskóli í Borgarfirði, Húnavallaskóli, Grunnskólinn á Laugabakka í Miðfirði og Varmahlíðarskóli.
Nú var ákveðið að þetta væru fimm dagar og að allir nemendur skólans tæku þátt en seinasti dagur sveitadaga er á morgun. „Gengið er út frá að þetta fari fram á skólatímanum en sumir nemendur taka mun meiri þátt,t.d. með því að vaka yfir sauðburði,“ segir Ágúst en nemendur eru allir með skólaverkefni með sér, ólík eftir aldri, sem þeir vinna að með umsjón foreldra og eða annarra forráðamanna þessa daga.
„Einhverjir kanna búskaparhætti, jarðveg, sáningu og grastegundir, veðurfar, fuglalíf og örnefni svo eitthvað sé nefnt. Auk þessa rita allir nemendur skólans dagbók fyrir hvern dag,“ segir hann. Mikil ánægja ríkir með þetta fyrirkomulag og segir Ágúst að foreldrar séu afar hlynntir þessum þætti í skólastarfinu, sem er mjög mikilvægt til að þetta gangi upp.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
