„Sýndum veikleika þar sem allir eru sammála um að við ætlum að bæta“ - Stólar úr leik í bikarnum
Stjarnan sló Tindastól út í Bikarkeppni VÍS í körfubolta í gærkvöldi sem fer fyrir vikið í úrlitarimmu gegn Njarðvík, sem fyrr um daginn sló ÍR út, nk. laugardag. Leikur gærkvöldsins var hörkuspennandi og réðust úrslit endanlega rétt í lokin, 86:81.
Hér tókust á tvö feiknagóð lið og einkenndist leikurinn af miklum hraða, góðri varnarvinnu og ákveðni leikmanna. Liðin skiptust á forystu í fyrsta leikhluta sem endaði með fjögurra stiga forystu Stjörnunnar 24 – 20. Þá tók við góður kafli Stóla sem náði að snúa leiknum sér í vil í þeim næsta og vinna hann með 28 stigum gegn 15 og leiddu því í hálfleik með 48 stig gegn 39. Þá gerðu Stjörnumenn harða hríð að norðanmönnum og snarsnéru leikum og unnu þriðjaleikhlutann með sömu tölum 28 – 15 og því sami fjögurra stiga munur og eftir fyrsta leikhluta eða 67 – 63. Þá upphófst spennandi lokakafli þar sem Stólar voru lengstum að elta, tveimur til fimm stigum eftir, en náðu þó að jafna leikinn þegar um þrjár mínútur voru liðnar 73:73. Þá tóku gestgjafar á sig rögg og tóku forystu sem þeir létu ekki af hendi og sigldu sætum sigri í höfn 86:81.
Frákastaeinvígið var Stjörnumanna og má fullyrða að það hafi skapað sigur þeirra enda mun öflugri en Stólar, 60.7% gegn 39.3%. En yfir heildina lítur Tindastólsliðið vel út miðað við fyrstu leiki tímabilsins og ljóst að það mun blanda sér í toppbaráttuna í vetur.
„Mér fannst gaman að sjá hversu góðir varnarlega við vorum á köflum sérstaklega í fyrri hálfleik,“ sagði Baldur Þór Ragnarsson, þjálfari Stóla, er Feykir hafði samband við hann í morgun. „Við getum sett upp hörkuvarnarleik og allir leikmenn liðsins vilja spila vörn. Stjarnan gerir vel að fara stöðugt með alla sína menn mjög sterkt í sóknarfráköst. Við sýndum veikleika þar sem allir eru sammála um að við ætlum að bæta.“
Baldur segir það hafa haft áhrif á leikinn að Thomas tognaði aftan í læri í byrjun seinni hálfleiks og Siggi þurfti að víkja af velli með fimm villur. Hann viðurkennir að hann hefði viljað vinna leikinn á sterkum heimavelli Stjörnunnar en segir teymið allt læra af þessum leik og mun bæta sig fyrir tímabilið, sem hann er mjög spenntur fyrir.
„Við erum með flott lið, með leikmenn sem vilja hreyfa boltann og leggja sig fram í vörn. Hlakka einnig til þess að spila með áhorfendur og stemmningu á hverjum einasta leik,“ segir hann í lokin.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.