Tæp milljón safnaðist á tónleikunum Jólin heima
Í gær var afrakstri tónleikanna Jólin heima sem haldnir voru í Bifröst á Sauðárkróki sl. sunnudagskvöld afhentur séra Sigríði Gunnarsdóttur, sóknarpresti á Sauðárkróki, sem veitir Fjölskylduhjálp Skagafjarðar forstöðu. Tónleikarnir þóttust takast afar vel og söfnuðust alls 913.000 krónur. Gefur fyrirheit um aðra tónleika að ári.
Fjöldi fyrirtækja í Skagafirði styrktu tónleikana og áhorfendur létu sig ekki vanta fyrir framan skjáinn þegar ungt og efnilegt listafólk lét ljós sitt skína á fjölum Bifrastar síðastliðið sunnudagskvöld. Tindastóll Tv kom öllu til skila með fumlausri og vel framkvæmdri útsendingu eins og þeirra er von. Var talið að áhorfendafjöldinn hafi verið á bilinu 2.500-3.000 manns meðan á tónleikunum stóð. Þegar þetta er skrifað hefur þátturinn verið sóttur um 3100 sinum og er enn aðgengilegur á YouTube Rás TindastólsTV, sjá HÉR.
Að sögn Jóhanns Daða Gíslasonar, eins skipuleggjenda tónleikanna, er það í skoðun að gera þetta að árlegum viðburði. „Núna er tíminn nýttur til að slaka á og njóta jólanna. Maður fer kannski að skipuleggja aftur í janúar,“ segir hann og bætir við: „Undirtektirnar hafa verið alveg stórkostlegar. Við viljum bara þakka fyrir allar undirtektir og stuðning sem við höfum fengið.“
Séra Sigríður Gunnarsdóttir var ánægð með framlag tónleikahaldara sem eiga eftir að koma að góðum notum. „Mig langar að nota tækifærið og þakka þessum ungu og hæfileikaríku krökkum fyrir frábæra tónleika. Þetta framtak skilaði ágóða sem við erum afar þakklát fyrir. Peningarnir verða notaðir þar sem þeirra er þörf í nærumhverfinu. Ennfremur er þetta mikilvægt menningarframlag til samfélagsins,“ sagði Sigríður er hún tók á móti fjármununum úr hendi Jóhanns Daða og Eysteins Ívars Guðbrandssonar í gær.
Sigríður segir að í allmörg ár hafi félagsþjónusta sveitarfélagsins og kirkjan í sameiningu aðstoðað fjölskyldur og einstaklinga fyrir jólin og einnig árið um kring. „Við eigum frábæra bakhjarla hér heima fyrir, fyrirtæki, félagasamtök og einstaklingar sem vilja leggja sitt af mörkum. Þannig hefur þetta rúllað með góðra manna hjálp. Sem betur fer merki ég þó ekki meiri þörf en síðustu ár,“ segir Sigríður.
Tengdar fréttir:
Tónlistarveisla beint í æð beint úr Bifröst í kvöld
Jólin heima – Tónleikar í beinni úr Bifröst
Hér fyrir neðan má sjá tónleikana Jólin heima.
Fleiri fréttir
-
Óskað eftir tilnefningum til samfélagsverðlauna í Húnaþingi vestra
feykir.is Vestur-Húnavatnssýsla, Mannlíf 19.06.2025 kl. 09.19Félagsmálaráð Húnaþings vestra óskar eftir tilnefningum frá íbúum sveitarfélagsins um aðila til samfélagsviðurkenninga fyrir verk sín eða störf í þágu samfélagsins. Í frétt á Húnahorninu segir að allir komi til greina, jafnt einstaklingar, fyrirtæki sem og félagasamtök sem hafa með gjörðum sínum og framgöngu látið gott af sér leiða og verið öðrum góð fyrirmynd.Meira -
Sjónhorn og Feykir koma út í dag
feykir.is Skagafjörður, Austur-Húnavatnssýsla, Vestur-Húnavatnssýsla 19.06.2025 kl. 09.01Feykir og Sjónhorn fara í dreifingu í dag, fimmtudaginn 19. júní, en þjóðhátíðardagurinn setti strik í reikninginn varðandi prentun og dreifingu og blöðin því að berast í hús degi síðar en vanalega. Sjónhornið var reyndar komið á netið í gær en rafræn útgáfa Feykis varð aðgengileg nú í morgun.Meira -
Frelsið til þess að ráða eigin málum | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 08.22Fjölmörg dæmi eru um það í sögu Íslands síðustu hundrað árin hvernig fullveldið, frelsið til þess að ráða eigin málum, hefur skipt sköpum fyrir hagsmuni þjóðarinnar. Bæði stór og smá. Landhelgisdeilurnar á síðari hluta 20. aldarinnar eru þar eðlilega áberandi. Efnahagslögsagan hefði ekki ítrekað verið færð út þar til hún náði að lokum 200 mílum ef valdið til þess hefði ekki verið innanlands. Án frumkvæðis íslenzkra ráðamanna hefði efnahagslögsagan seint verið færð út.Meira -
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira
