Telja verðmun afurðastöðvanna óásættanlegan
feykir.is
Austur-Húnavatnssýsla
12.03.2018
kl. 13.37
Á almennum félagsfundi í Félagi sauðfjárbænda í Austur-Húnavatnssýslu sem haldinn var á Blönduósi þann 25. febrúar síðastliðinn var skorað á stjórn SAH Afurða ehf. að bæta innleggjendum sauðfjárafurða upp þann mikla mun sem var á verði þeirra og annarra afurðastöðva haustið 2017.
Að því er segir í samþykkt fundarins nam meðal verðmunur SAH-Afurða og annarra afurðastöðva 13% síðasta haust miðað við uppbætur sem aðrar afurðastöðvar hafi greitt. Félagar FSAH telja þennan mikla mun algerlega óásættanlegan.
Jafnframt samþykkti fundurinn að fela stjórn Félags sauðfjárbænd í Austur-Húnavatnssýslu að leita allra leiða til að tryggja bændum á svæðinu sambærilegt afurðaverð við aðra.
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.