Þegar Gilsbakka-Jón fór í Krókinn
Í Skagfirðingabók má finna og kynnast skemmtilegu fólki. Í Skagfirðingabókinni sem gefin var út árið 1967 er hægt að finna þátt um merkilegan mann og skondin sem áreiðanlega hefur gefið þjóðlífinu á sínum tíma skemmtilegan blæ. Sá maður var kallaður Gilsbakka-Jón.
Gilsbakka-Jón var maður sem bjó á Gilsbakka í Akrahreppi um miðja 19. Öld. Hann fæddist á Strjúgsá í Eyjafirði árið 1828, bjó síðan hér og þar í Eyjafirði og Skagafirði en settist loks að á Gilsbakka árið 1861. Sonur Gilsbakka-Jóns hét Hjörleifur Jónsson sem seinna varð bóndi á Gilsbakka. Hjörleifur Jónsson tók Hjörleif Kristinsson til sín í fóstur, en sá Hjörleifur er sá Hjörleifur sem flestir þekkja sem Hjörleif á Gilsbakka, skáld gott og velunnari náttúrunnar. Gilsbakka-Jón var einnig skáld gott, og það getur vel verið að Hjörleifur Kristinsson hafi fengið einhverjar skáldagáfur frá Gilsbakka-Jóni.
Margir kannast við þessa vísu eftir Gilsbakka Jón:
Feginn vildi ég fara upp á fóstru mína,
þó ég af því biði bana,
bara til að gleðja hana.
En færri þessa:
Fóstra mín er fögur öðru megin.
Þaðan fæ ég hýrleg hót.
Hinum megin er hún ljót.
Eitt sinn gerði Gilsbakka-Jón sér ferð í krókinn, en mistókst að verða sér úti um brennivín:
Ekki er ég í orðum flókinn,
um það margur vitni ber.
Andskotinn í kvöld má Krókinn
krúnuraka fyrir mér.
Undirritaður tengir vel við seinustu skeytluna, enda áður en hann fékk ríkisaldur mistókst honum gjarnan að verða sér úti um söngvatn fyrir lokun og þá var blótað og hvæst.
/SMH
Fleiri fréttir
-
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira
