Þjálfaramál yngri flokkanna að skýrast
Þjálfaramál yngri flokka Tindastóls í körfunni eru nú að taka á sig mynd og búið að skipa í stöður allra þeirra 11 flokka sem áformað er að taki þátt í Íslandsmótinu á næsta tímabili. Fyrirhugaðar eru skipulagsbreytingar á þjálfunarfyrirkomulaginu
Á Tindastóll.is segir að gera eigi breytingar í þjálfunarskipulagi eldri yngri flokkanna og er það til þess gert að fá betri yfirsýn yfir stöðu árganganna. Þjálfarar munu nú hafa yfirumsjón með þjálfun fleiri flokka en áður og fleiri leikmenn spila með fleiri en sínum eigin flokki en áður. Þetta er gert til að fjölga leikjum eldri yngri flokkanna, en okkar krakkar hafa verið að spila allt of fáa leiki miðað við jafnaldra þeirra t.d. á Reykjavíkursvæðinu.
Bárður Eyþórsson mun verða yfirþjálfari 11. flokks drengja, drengjaflokks og unglingaflokks karla, en áformað er að senda alla þessa flokka til leiks í Íslandsmótinu. Bárður mun líklega hafa einn aðstoðarþjálfara sér við hlið. Þeir iðkendur sem verða í FNV eiga kost á að æfa körfuknattleik í akademíunni og fá það metið til eininga. Bárður mun auk þess sjá um morgunæfingar og körfuboltaskólann.
Karl Jónsson mun verða yfirþjálfari 9. flokks stúlkna, 10. flokks stúlkna og stúlknaflokks en allir þessir flokkar taka þátt í Íslandsmótinu. Hérna er um framtíðarmeistaraflokk Tindastóls að ræða. Karl mun hafa aðstoðarþjálfara sér við hlið í þessu verkefni. Elstu stúlkurnar í þessum hópi eiga þess kost að æfa í körfuboltaakademíunni í FNV og þeim yngri stendur til boða að sækja morgunæfingar tvisvar í viku, auk körfuboltaskólans.
Oddur Benediktsson, nýráðinn þjálfari körfuknattleiksdeildar, mun þjálfa 8. flokk drengja, 9. flokk drengja og 10. flokk drengja og taka allir þessir flokkar þátt í Íslandsmótinu. 8. og 9. flokkur æfa saman en 10. flokkur sér. Þó eru uppi hugmyndir að hafa þessa flokka saman á æfingum kannski 1-2 sinnum. 9. og 10. flokkarnir eiga þess kost að sækja morgunæfingar auk körfuboltaskólans, en 8. flokkur hefur körfuboltaskólann sem sína aukaæfingu.
Hrafnhildur Sonja Kristjánsdóttir mun þjálfa 8. flokk stúlkna, sem í verða árgangar 99 og 2000. Þær munu taka þátt í Íslandsmótinu og hafa körfuboltaskólann sem aukaæfingar í vetur eins og áður. Þessar stúlkur kláruðu síðasta tímabil með sigri í B-riðli og ljóst að þar er um efnilegan hóp að ræða.
Hreinn Gunnar Birgisson verður þjálfari 7. flokks drengja sem tekur þátt í Íslandsmótinu. Í 7. flokki verða strákar fæddir 2000 og 2001 og stíga þeir sín fyrstu skref í Íslandsmótinu á næsta keppnistímabili. Strákarnir munu hafa aðgang að körfuboltaskólanum til aukaæfinga.
Alls er því fyrirhugað að 11 yngriflokkar taki þátt í Íslandsmótinu á næsta keppnistímabili og hafa þeir sjaldan eða aldrei verið fleiri í einu.
Sjá nánar á Tindastóll.is
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
