Þrír sameiginlegir framboðsfundir áætlaðir í Skagafirði

feykir.is Skagafjörður 24.04.2026 kl. 09.34 oli@feykir.is
Það styttist óðum í sveitarstjórnarkosningar en þær fara fram laugardaginn 16. maí næstkomandi og því um þrjár vikur þangað til kosið verður. Samkvæmt upplýsingum Feykis er stefnt að því að halda þrjá sameiginlega kosningafundi í Skagafirði og verður sá fyrsti í Miðgarði þann 3. maí.
 
Fundirnir verða haldnir sem hér segir
 
Sunnudaginn 3. maí:

Í Miðgarði í Varmahlíð kl. 16:00

Þriðjudaginn 5. maí:
Í Höfðaborg á Hofsósi kl. 20:00

Fimmtudaginn 7. maí
Á Kaffi Krók á Sauðárkróki kl. 20:00

Að sögn Baldurs Hrafns Björnssonar sviðsstjóra stjórnsýslu- og fjármálasviðs hjá sveitarfélaginu Skagafirði þá liggur enn ekki fyrir hver muni stýra fundunum.

Fyrirkomulag fundanna er þannig að fulltrúar flokkanna fá fimm mínútur í framsögu í upphafi en í framhaldi af því verður opnað fyrir spurningar úr sal. Í lokin fær hvert framboð tvær mínútur í lokaorð. Framboðin geta valið um að vera með einn eða tvo frambjóðendur í pallborðsumræður á fundinum.

Til baka

Fleiri fréttir

  • A-listinn býður sig fram í Húnabyggð

    feykir.is Austur-Húnavatnssýsla, Mannlíf 24.04.2026 kl. 10.51 oli@feykir.is
    Það fór því miður framhjá Feyki að nýtt framboð kynnti framboð í Húnabyggð upp úr miðjum mars. Þar var um að ræða A-listann, óháð framboð sem ætlar sér að fara fram fyrir hönd fólksins í Húnabyggð og ætlar að hafa hagsmuni allra íbúa sveitarfélagsins að leiðarljósi.
    Meira
  • Séð yfir athafnasvæði Dögunar og nýbygginguna. MYND: ÓAB

    Frystiklefi Dögunar tekur á sig mynd

    feykir.is Skagafjörður, Lokað efni 24.04.2026 kl. 10.15 oli@feykir.is
    Feykir sagði frá því í nóvember að rækjuvinnslan Dögun á Sauðárkróki hefði hafið framkvæmdir við byggingu 1600 fermetra frystiklefa á Hesteyri á Sauðárkróki. Ekki er annað að sjá en að verkinu miði vel en í vetur var plata steypt og nú hefur grindin verið reist.
    Meira
  • Elínborg Erla Ásgeirsdóttir skipar 4. sæti Byggðalistans. AÐSEND MYND

    Geta hráefniskaup haft áhrif á byggðaþróun? | Elínborg Erla Ásgeirsdóttir skrifar

    feykir.is Skagafjörður, Aðsendar greinar 24.04.2026 kl. 09.06 oli@feykir.is
    Á hverjum virkum degi eru framreiddar yfir 1000 opinberar máltíðir í Skagafirði, t.d í leikskólum, grunnskólum og öðrum stofnunum sveitarfélagsins. Að jafnaði eru um 250 virkir dagar á ári, svo við erum að tala um yfir 250.000 máltíðir ár hvert. Þó miðað sé við hóflegt hráefnisverð má því áætla að kostnaðurinn nemi hundruðum milljóna.
    Meira
  • Frá vinnu við Rót í mars síðastliðnum. MYNDIR AF FB-SÍÐU HANDBENDI

    Ótrúlega mikil gleði fólgin í því að vinna saman alþjóðlega

    feykir.is Vestur-Húnavatnssýsla, Listir og menning, Mannlíf 23.04.2026 kl. 14.36 oli@feykir.is
    Sagt var frá því í byrjun vikunnar að Handbendi brúðuleikhús á Hvammstanga stæði fyrir uppsetningu á splunkunýrri brúðuleikhússýningu, Rót, hjá Leikfélagi Akureyrar nú á laugardaginn og hefst sýningin kl. 16:00. Feykir spurði listakonuna Gretu Clough, sem er bandarísk að uppruna, aðeins út í sýninguna en Greta býr á Hvammstanga ásamt manni sínum, Sigurði Líndal, og dóttur þeirra. Fyrst var spurt hvernig sagan hefði komið til.
    Meira
Yfirlit frétta