Þrymur tók þátt í Pollamótinu á Akureyri
Þungavigtarlið Þryms tók þátt í Pollamótinu á Þórssvæðinu á Akureyri dagana 6. - 7. júlí. Mótið var haldið í 25. skipti og tókst vel til, en sem kunnugt er eru það pollar sem komnir eru af léttasta skeiði sem taka þátt í mótinu og sem betur fer engin þungatakmörk á Þórssvæðinu.
Lið Þryms var skipað nokkrum þekktum skagfirskum tuðruþeyturum í bland við minna þekkta tuðruþeytara, bæði hérfirska og austfirska. Gísli Sig og Guðbrandur Guðbrands teljast sennilega til reyndari leikmanna liðsins en þarna sprettu einnig úr spori boltakúnstnerar á borð við Sigurbjörn í VÍS, Óla á Bergsstöðum, Tengilstappana Pétur Inga og Gunnar Inga og Bræðsluforingjann og bombuþeytarann Áskel Heiðar. Það var Albert Hansson sem fór fyrir hópnum og dró í lið.
Lið Þryms tók þátt í C-riðli Lávarðadeildar Pollamótsins og með þeim í riðlinum voru Bjartar Vonir Vakna, Víkingur, Umf. Óþokki og og ÍR. Óstaðfestar fregnir herma að Þrymverjar hafi staðið sig framar vonum; unnið einn leik, tapað einum og gert tvö jafntefli en þessar upplýsingar gætu tekið breytingum eftir því hver er spurður. Árangurinn er þó allrar athygli verður í ljósi þess að liðið hafði ekkert æft fyrir mótið og vitað er til þess að nokkrir leikmanna urðu að hefja þátttöku á því að kaupa sér (eða fá lánaða) fótboltaskó.
Rétt er að taka ofan fyrir þessum höfðingjum sem þessa dagana þrá að öllum líkindum kalda bakstra og hvíld frá flestri áreynslu en heimildir herma að þó einhverjir beri sig ekki rosalega vel hafi allir Þrymsmenn komist að mestu óslasaðir frá Pollamótinu.
Það var Didda Sævars sem tók þessa frábæru mynd af köppunum.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
