Þyrfti fleiri dagforeldra á Sauðárkróki
Staða leikskóla- og dagforeldramála á Sauðárkróki var kynnt á síðasta fundi fræðslunefndar Svf. Skagafjarðar en mikil umræða hefur farið fram á samfélagsmiðlum varðandi skort á dagmæðrum. Ákveðið var að auglýsa eftir dagforeldrum til starfa auk þess sem allra leiða verði leitað til að leysa þann vanda sem upp er kominn í dagvistunarmálum m.a. með því að gera starf dagforeldra fýsilegra.
Herdís Á. Sæmundardóttir sviðsstjóri fjölskyldusviðs segir að staðan í dagvistarmálum á Sauðárkróki virðist ætla að verða mjög erfið á þessu ári. „Miðað við stöðuna þegar þetta er skrifað er búið að skrá 31 barn á biðlista sem verða eins árs á árinu og viðbúið er að fleiri börn eigi eftir að bætast við þar sem misjafnt er hve snemma foreldrar skrá börn sín. Eins og listinn er í dag þá eru 10 börn nú þegar orðin eins árs. Til viðbótar þessum 10 börnum verða 12 börn eins árs á tímabilinu mars-maí og níu börn til viðbótar verða orðin eins árs á tímabilinu júní-september. Samtals verða því 31 barn orðið eins árs við inntöku í leikskólann í haust. Gert er ráð fyrir að hægt verði að taka inn 20 börn í haust og því ljóst að ekki verður hægt að taka inn öll börn. Því er útlit fyrir að 11 börn fái þá ekki leikskólavist í haust. Þetta þýðir að barn nr. 21 á biðlista verður orðið 27 mánaða, eða tveggja ára og þriggja mánaða, að öllu óbreyttu, þegar það kemst inn í leikskóla,“ segir Herdís.
Dagforeldrar, sem brúað hafa bilið í dagvistun barna frá því að fæðingarorlofi sleppir, hafa leyfi til að hafa að hámarki fimm börn í vistun að eigin börnum meðtöldum. Herdís segir að nú starfi tveir dagforeldrar á Sauðárkróki með samtals níu börn í vistun. „Til að anna biðlista þyrftu starfandi dagforeldrar að vera á bilinu 5-6. Ekkert útlit er fyrir að auðveldara verði að fá dagforeldra til starfa miðað við núverandi stöðu á vinnumarkaði.“
Herdís segir að enginn hafi nýtt sér svokallað ömmuleyfi, þar sem börnum er komið fyrir hjá nákomnum ættingjum, eða aupair starfsmann, og er niðurgreitt af sveitarfélaginu þrátt fyrir að bent hafi verið á möguleikann.
Í Feyki sem kemur út á morgun er farið ítarlega yfir dagvistunarmál í Skagafirði.
Fleiri fréttir
-
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira -
Þrír laxar á land í Miðfjarðará á opnunardegi
feykir.is Vestur-Húnavatnssýsla, Lokað efni 18.06.2025 kl. 09.51Húnahornið segir frá því að laxveiðitímabilið í Miðfjarðará hófst sl. sunnudag og eftir hádegi komu þrír fyrstu laxarnir á land. Einn veiddist í Kambsfossi og hinir tveir í Austuránni. Í fyrra var Miðfjarðará næst aflahæst af laxveiðiám landsins með 2.458 laxa og aðeins Ytri-Rangá sem var með fleiri veidda laxa.Meira -
Kaflaskipt í Kaplakrika
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 09.11Kvennlaið Tindastóls hélt suður í Hafnarfjörðinn síðastliðinn mánudag en þar beið svarthvítt lið Fimleikafélags Hafnarfjarðar eftir þeim. FH-liðið hefur verið flott í sumar og náð í marga sterka sigra og eru fyrir vikið í toppbaráttu Bestu deildarinnar. Leikurinn reyndist kaflaskiptur því gestirnir bitu vel frá sér í fyrri hálfleik en sá síðari var því miður eign FH frá upphafi til enda. Lokatölur 5-1.Meira -
Önnur tilraun til að halda kynbótasýningu á Hólum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira
