Tilkynning | Íbúar í Varmahlíð beðnir um að fara sparlega með vatnið
Sú sérstaka staða er komin upp að vatnskortur er víða í Skagafirði. Sérstaklega á þetta við um Varmahlíð. Af þessu tilefni hafa Skagafjarðarveitur sent frá sér eftirfarandi tilkynningu:
„Vakin er athygli á því að vegna slæmrar stöðu vatnslindarinnar sem sér Varmahlíð fyrir köldu neysluvatni eru íbúar beðnir að fara sparlega með vatnsnotkun. Staða lindarinnar er sérstaklega erfið um þessar mundir og grunnvatnsstaða í Skagafirði almennt mjög lág. Skagafjarðarveitur biðja íbúa sem eru með heita potta að stöðva rennsli í þá tímabundið og forðast notkun þeirra á meðan þetta ástand varir. Beðist er velvirðingar á þeim óþægindum sem þetta kann að valda.”
Feykir hafði samband við Gunnar Björn Rögnvaldsson verkefnastjóra hjá Skagafjarðarveitum og spurði nánar út í málið:
„Grunnvatnsstaðan er mjög lág alls staðar í Skagafirði sökum þess að síðastliðinn vetur snjóaði ekki að neinu marki, neysluvatnið á íslandi byggist á vetrarúrkomunni að mestu leiti og best er að fá snjó í fjöll á haustmánuðum sem er best fyrir okkar vatnsból, snjór sem fellur eftir áramót þegar skammdeginu léttir er með minni fyrirstöðu og bráðnar fyrr og skilar sér síður inn í vatnskerfin okkar. Við erum með takmarkað vatn í lindinni sem við erum með í notkun og þurfum að bregðast hratt við ef upp kemur leki á kerfinu.
Við erum með vatnsöflun í forgangi, rannsóknir og hugmyndir hvað við getum gert fyrir Varmahlíð til að leysa þennan vanda. Svo má ekki gleyma því að byggðin hefur stækkað í Varmahlíð og það kallar á meiri vatnsnotkun.”
Feykir þakkar Gunnari fyrir greinargóð svör. Kannski er það fyrirboði um betri horfur að Mælifellshnjúkur var hvítur niður undir miðjar hlíðar í morgun. /hmj
Fleiri fréttir
-
Ade Murkey gengur til liðs við Tindastól
feykir.is Skagafjörður, Íþróttir, Lokað efni 27.08.2026 kl. 15.00Tindastóll kynnir nýjan leikmann í Körfunni. Það er Ade Murkey, sem er áhorfendum Bónus deildarinnar vel kunnugur en hann spilaði með Álftanesi á síðasta tímabili. Murkey var með 23.3 stig, 7.7 fráköst og 2.9 stoðsendingar að meðaltali í 14 leikjum fyrir Álftanes.Meira -
Saman eflum við börnin okkar | Álfhildur Leifsdóttir skrifar
feykir.is Skagafjörður, Aðsendar greinar 27.08.2026 kl. 12.30Nýtt skólaár er spennandi tími fyrir börnin okkar en tilfinningarnar geta verið misjafnar. Sum mæta full tilhlökkunar, önnur með smá hnút í maganum og mörg einhvers staðar mitt á milli. Nemendur mæta til náms með ólíkar þarfir, styrkleika og reynslu og er það verkefni skólanna að skapa þeim öruggt og hvetjandi námsumhverfi með fjölbreyttum tækifærum til að vaxa og þroskast. Þó að skólinn gegni stóru hlutverki í lífi barna og ungmenna stendur hann ekki einn að þessu verkefni. Menntun og uppeldi barna er alltaf sameiginlegt verkefni heimilis og skóla.Meira -
100 ára vígsluafmæli Mælifellskirkju | Tímamóta minnst í sól og blíðu
feykir.is Skagafjörður, Mannlíf, Lokað efni 27.08.2026 kl. 11.45Sunnudaginn 23. ágúst var sérstök hátíðarmessa í Mælifellskirkju þar sem minnst var 100 ára vígsluafmælis. Afmælið var reyndar í fyrra en vegna þess að miklar endurbætur stóðu yfir í og við kirkjugarðinn var hátíðarhöldum frestað þar til nú. Þessu endurbótum er nú að mestu lokið og er mikill sómi að.Meira -
Feykir ræðir við Pétur Björnsson yfirlögregluþjón hjá Lögreglunni á Norðurlandi vestra | Lögreglan á að sinna innri landamæragæslu
feykir.is Skagafjörður, Lögreglan á Sauðárkróki, Lokað efni 27.08.2026 kl. 09.15Hjá lögreglunni á Norðurlandi vestra starfa 17 lögreglumenn í almennri deild á þremur starfsstöðvum. Tveir eru staðsettir á Hvammstanga, sjö á Blönduósi og átta á Sauðárkróki. Yfirlögregluþjónn er Pétur Björnsson og situr hann á Sauðárkróki. Nýlegar fréttir af því að lögreglan á Norðurlandi vestra stöðvaði erlendan aðila vegna hraðaksturs, hafa vakið athygli en í ljós kom að farþegar í bílnum gátu ekki eða vildu ekki framvísa skilríkjum. Einnig fundust í bílnum hlutir sem ætla mátti að væru þýfi. Þessu fylgdi handtaka og í framhaldi af því brottvísun af landinu. Blaðamaður Feykis settist niður með Pétri og spurði fyrst hvort við værum að horfa upp á nýjan veruleika í störfum lögreglunnar.Meira
