Tindastóll lagði heimamenn í Snæfelli og sigraði í Lengjubikarnum
Tindastóll vann öruggan sigur á heimamönnum í Snæfelli í dag þegar liðin léku til úrslita í Lengjubikarnum. Stólarnir stungu af í þriðja leikhluta og Snæfellingum tókst ekki að komast með tærnar hvar Tindastólsmenn höfðu hælana í fjórða leikhluta og lokatölur 81-96. Feykir óskar Stólunum til hamingju með glæsilegan baráttusigur en þetta var aðeins annar titillinn sem meistaraflokkur Tindastóls í körfubolta landar í sögu félagsins.
Byrjunarlið Tindastóls skipuðu George Valentine, Drew Gibson, Helgi Freyr, Helgi Rafn og Ingvi Rafn. Það voru heimamenn í Snæfelli sem fóru betur af stað, komust í 11-5 og 16-10, en Stólarnir minnkuðu muninn í 2 stig fyrir lok leikhlutans en þá kom Þröstur Leó sterkur inn með fimm stig. Staðan 20-18. Svabbi jafnaði í byrjun annars leikhluta en Snæfellingar voru fljótir að ná frumkvæðinu á ný og upp úr miðjum leikhluta voru þeir búnir að ná 11 stiga forystu, 40-29. En Stólarnir gáfust ekkert upp þótt á móti blési og náðu með harðræði að ná í skottið á heimamönnum fyrir hlé. Staðan 45-44 fyrir Snæfell í leikhléi.
Þriðji leikhluti var frábær hjá Stólunum. Snæfell jók reyndar forystuna í 48-44 en þá gerðu Stólarnir 12 stig í röð og breyttu stöðunni í 48-56. Þá vöknuðu heimamenn úr rotinu en gekk engu að síður illa að eiga við Stólana sem voru komnir í mikinn ham. Drew Gibson náði 10 stiga forskoti fyrir Stólana, 54-64 og eftir tvær körfur frá Valentine og eitt vítaskot til var staðan orðin 57-72. McQueen lagaði stöðuna fyrir Snæfell fyrir lok þriðja leikhluta með því að setja niður tvö víti. Staðan 59-72.
Tindastólsmenn héldu haus í fjórða leikhluta. Snæfell náði muninum niður í sjö stig þegar tæpar 4 mínútur voru eftir af leiknum en Þröstur Leó, sem var í bullandi stuði í dag, bætti tveimur stigum við og Valentine gerði enn betur og staðan 75-86 þegar rétt rúm mínúta var eftir af leiknum. Síðustu mínútuna brutu Snæfellingar ótt og títt til að reyna að vinna tíma en þeir brutu ávallt á Þresti sem var öryggið uppmálað á línunni. Leiknum lauk síðan með viðeigandi troðslu frá Valentine og lokatölur 81-96 fyrir Tindastól.
Stólarnir sýndu hörkuleik í dag og börðust allir sem einn. Stigahæstur í liði Tindastóls var Þröstur Leó með 27 stig, Valentine átti flottan leik og skilaði 26 stigum og 13 fráköstum, Gibson var með 16 stig og 8 stoðsendingar. Þá fór Helgi Rafn fyrir sínum mönnum og var rosalegur í þriðja leikhluta en kappinn gerði 16 stig og endaði leikinn með 5 villur en tók við Lengjubikarnum í lokin og það var heila málið!
Stig Tindastóls: Þröstur Leó 27, Valentin 26, Gibson 16, Helgi Rafn 16, Svabbi 6, Helgi Freyr 3 og Ingvi 2.
Fleiri fréttir
-
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira -
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira
