Tindastóll - Þróttur í kvöld
Á Sauðárkróksvelli kl:20:00 í kvöld eigast við karlalið Tindastóls og Þróttar úr Reykjavík en liðin eru nú jöfn að stigum í 1. deildinni með 11 stig ásamt ÍR og BÍ/Bolungarvík. Heimamenn hafa þó spilað einum leik færra og eru því skráðir fyrstir í þeim klasa og því til mikils að vinna og búast má við hörkuleik í kvöld.
Ýmsar sögusagnir hafa verið um það að önnur lið ætli sér að krækja í einhverja af þeim frábæru erlendu leikmönnum sem leika með Tindastóli í sumar en Ómar Bragi Stefánsson formaður knattspyrnudeildarinnar segir að ekkert slíkt sé á hans borði og vonar að verði ekki. Segja má að Tindastólsliðið hafi staðið vel undir væntingum en því var spáð fallsæti í upphafi vertíðar. Deildin er gríðarlega jöfn en Víkingur Ólafsvík og Haukar tróna á toppnum með 19 stig eftir 10 leiki en á hæla þeirra kemur Fjölnir með 18 stig. Í 4. sæti er Þór með 14 stig eftir 9 leiki og samborgarar þeirra í KA með 12 stig eftir 10 leiki. Þá koma fjögur lið í hnapp öll með 11 stig en eins og áður sagði er Tindastóll með 9 leiki að baki en Þróttur ÍR og BÍ/Bolungarvík 10 leiki. Þrjú neðstu liðin eru einnig jöfn að stigum og aðeins einu stigi frá fyrri grúppu eða 10 stig. Það eru Leiknir, Víkingur Reykjavík og Höttur.
Nú er engin afsökun fyrir því að mæta ekki á völlinn í kvöld og eru því allir sem geta komið sér á milli staða hjálparlaust hvattir til að mæta og hinir að útvega sér aðstoð við að mæta.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
