Tindastóll/Neisti – Keflavík á morgun
Stelpurnar í Tindastóli/Neista taka á móti liði Keflavíkur í A-riðli 1. deildar kvenna á Sauðárkróksvelli á morgun. Leikurinn hefst kl. 14:00.
Upphaflega átti leikurinn að hefjast kl. 17:00 en Keflvíkingar sóttu um að honum yrði flýtt. Áður hafði Tindastóll reynt að hafa heimaleikjaskipti við Keflvíkinga og spila þessa umferð syðra með það fyrir augum að vera nær þjálfurum sínum sem spila sama dag með Tindastóli gegn KB á Leiknisvelli. Það samþykktu Keflvíkingar ekki og verður því leikurinn eins og áður sagði á Sauðárkróki og mun Pálmi Valgeirsson fá það vandasama verk að stýra liðinu gegn hinu sterka Keflavíkurliði.
Bjarki Már Árnason þjálfari stelpnanna er hins vegar bjartsýnn og líst vel á leikinn eins og alla aðra leiki. Keflavík vann síðasta leik sinn 14-1 gegn Draupni og aðspurður segir Bjarki það ekki sýna yfirburði liðsins í deildinni heldur telji hann að Draupnir hafi átt slæman dag.
-Keflavík er eitt sterkasta liðið í deildinni en við getum unnið hvaða lið sem er, segir Bjarki sem vill ekki gefa upp hvert endanlegt markmið liðið hafi sett sér í deildinni í sumar heldur ætlar það að halda því fyrir sig.
Vel var mætt á síðasta leik og er fólk kvatt til að gera slíkt hið sama á morgun og skemmta sér yfir fótbolta áður en kosningaspenningurinn hefst.
Áfram Tindastóll/Neisti
Fleiri fréttir
-
Dýrbítur í Austurdal
feykir.is Skagafjörður, Lokað efni 07.05.2025 kl. 12.55Refur lagðist á lömb á Stekkjarflötum í Austurdal, (Austurdalur er talinn byrja við Grjótá, svo bærinn telst ekki til Kjálka) í vikunni og urðu bændur þess varir aðfaranótt þriðjudags að lömb væru farin að hverfa af túninu og ummerki um aðfarir rebba sáust.Meira -
Gjaldfrjáls garðlönd Skagafjarðar
feykir.is Skagafjörður 07.05.2025 kl. 11.30Garðlönd sveitarfélagsins á Sauðárkróki, Varmahlíð (upp við Reykjarhólsskóg) og Hofsósi (Grafargerði) verða til reiðu á næstu dögum og gaman að segja frá því að þetta er á sömu staðsetningum og síðast.Meira -
Allir að róa í sömu átt
feykir.is Skagafjörður, Íþróttir, Lokað efni 06.05.2025 kl. 15.38Í gærkvöldi varð ljóst hverjir andstæðingar Tindastóls verða í einvíginu um Íslandsmeistaratitilinn í körfunni. Þá áttust Stjarnan og Grindavík við í oddaleik en leikir liðanna höfðu verið æsispennandi og það varð engin breyting á því í gær. Það var lið Stjörnunnar sem hafði betur eftir dramatík í lokin. Fyrsti leikurinn í einvígi Tindastóls og Stjörnunnar verður í Síkinu á fimmtudaginn.Meira -
Háholt er ekki heldur inni í myndinni hjá Guðmundi Inga
feykir.is Skagafjörður, Lokað efni 06.05.2025 kl. 13.24Ráðherra barnamála, Guðmundur Ingi Kristinsson, er á sömu skoðun og fyrrverandi barnamálaráðherra, Ásthildur Lóa Þórsdóttir, varðandi vistun barna í Háholti í Skagafirði og telur Háholt ekki koma til greina sem meðferðarheimili fyrir börn. Í frétt á vef RÚV segir að neyðarvistun, afplánun og gæsluvarðhald verði áfram á Stuðlum.Meira -
Söngskemmtun á Löngumýri
feykir.is Skagafjörður, Austur-Húnavatnssýsla, Vestur-Húnavatnssýsla 06.05.2025 kl. 08.28Sönghópur félags eldri borgara í Skagafirði heldur söngskemmtun á Löngumýri í Skagafirði sunnudaginn 11. maí 2025 kl. 15:00. Aðgangur kr. 3.000,- enginn posi. Verið velkomin. StjórninMeira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.