Torskilin bæjarnöfn - Skoptastaðir í Svartárdal
Mjer finst rjett að taka þetta nafn með, þótt áður hafi verið bent á rjetta nafnið: Skopta (sjá Safn lV. bls. 433). Því að öðru leyti er það alveg órannsakað. Frumheimild þessa nafns er að finna í fjárheimtuskrá Þingeyrarklausturs árið 1220 (eða fyr). Klaustrinu er þar eignaður sauðatollur á „Scoptastodom“ (DI. I. 400).
Samnefni er að finna í örnefnunum „Skoptahólmr“ og Skoptahólmsklettur (DI. II.116) á Breiðafirði. Eru nöfn þessi eflaust kend við m.n. Skopti. Þekktasti maður með þessu nafni er víst Skopti Skagason – Tíðinda-Skopti – mágur Hákonar Jarls Sigurðssonar ( Ólafs.s Tr. bls. 206); og í þeirri ætt hefir það borist hingað til lands með Skaga Skoptasyni er nam austan Eyjafjarðar (Landn. bls. 159).
Vísu Hólmgöngu-Bersa hafa menn og kunnað, ekki sýzt fyrir það, að hún stóð eingöngu í sambandi við víg:
Einn beið úlfa gremir
andrán í dal þambar
fell fyr frænda spilli
fram Þórarinn rammi:
lífsspell biðu lýðir
Loptr hné Álfr og Skopti. *)
Af þessu er auðsætt, að Skoptanafnið hefir þekst allvel á Norðurlandi, þar sem bæjarnafnið finst, en verið fáheyrt annarsstaðar. Að Skopta- breyttist í Skotta- er samkvæmt málslögum - þ.e. afturvirk tillíking, sbr. tóft - tótt og skopt - skott í framburði.
Skopt þýðir í norrænu (höfuð) hár skylt skúfur, á fornþ. schopf, þ.e. hár og leitt af gotn. skuft sem merkir hið sama (sjá Torp bls. 633). Mannsnafnið Skopti mun því þýða: hárprúður (vel hærður) maður. Skoptastaðir er því rjetta nafnið og ætti að fella niður Skotta-nafnið.
*) Korm.s. bls. 39.
Rannsóknir og leiðréttingar Margeirs Jónssonar
Áður birst í 43. tbl. Feykis 2020.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.