Tveir tvöfaldir á Króknum
Leikfélag Sauðárkróks æfir nú leikritið Tveir tvöfaldir eftir Ray Cooney, í þýðingu Árna Ibsen. Leikstjóri er Ingdrid Jónsdóttir. Leikritið verður frumsýnt á opnunardegi Sæluvikunnar, þann 29. apríl næstkomandi í félagsheimilinu Bifröst.
Leikarahópurinn samanstendur af nokkrum gömlum kempum í bland við góða nýliða og má til gamans geta að tveir af leikurunum í hópnum hafa áður leikið í þeim uppsetningum eftir Ray Cooney sem félagið setti upp á seinasta áratug, Með vífið í lúkunum, 2006 og Viltu finna milljón?, 2008.
Leikfélag Sauðárkróks sýndi Ray Cooney fyrst árið 1978, leikritið Eltu mig, félagi sem er fyrsta sviðsetning á leikriti eftir Ray Cooney á Íslandi.
Þetta kemur fram á heimasíðu LS en þar er einnig rifjað upp að þennan dag (13. apríl) árið 1888 var Leikfélag Sauðárkróks upprunalega stofnað.
Í fyrstu stjórn félagsins voru Ludvig Popp, Valgard Claessen og Sigvaldi Blöndal.
Fyrsta sýningin sem félagið setti upp var leikritið Narfi eftir Sigurð Pétursson og er talið að það hafi verið sett upp í Sýslumannshúsinu, Aðalgötu 16 (sama hús og síðar hýsti Kaffi Krók).
Sama ár var leikritið Útilegumenn (Skugga-Sveinn) eftir Matthías Jochumsson sett upp í Poppspakkhúsi.
Félagið var formlega lagt niður í blábyrjun ársins 1907 og er talið að það hafi sett upp u.þ.b. 14 sýningar á þessu tímabili og sumar oftar en einu sinni, t.d. Skugga-Sveinn og Ævintýri á gönguför eftir Jens Christian Hostrup (í íslenskun Eggerts Briem).
Sjá nánar á skagafjordur.net/ls
Fleiri fréttir
-
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira
