Umdeild Blöndulína
Opinn fundur um hina umdeildu Blöndulínu 3 sem leggja á frá Blöndustöð til Akureyrar, var haldinn í félagsheimilinu Árgarði í Skagafirði á annan í hvítasunnu. Aðsókn var mjög góð, um 60 manns mættu á fundinn. Á fundinum kynnti Hrafnhildur Brynjólfsdóttir skipulagsfræðingur stöðu vinnu við umhverfismat framkvæmdarinnar og aðalskipulags sveitarfélaganna á línuleiðinni og möguleika íbúa til að hafa áhrif á það ferli.
Bjarni Jónsson, forseti sveitarstjórnar Sveitarfélagsins Skagafjarðar, kynnti afstöðu sveitarfélagsins. Gunnþóra Ólafsdóttir, doktor í landfræði, kynnti rannsókn sína á áhrifum línunnar á ferðamennsku og útivist og Helga Rós Indriðadóttir kynnti sjónarmið íbúa frá svæðinu sem fulltrúi hóps íbúa í Skagafirði ásamt fleirum sem stóðu fyrir fundinum.
Sérstaka athygli vakti á fundinum þegar Gunnþóra Ólafsdóttir lýsti umfjöllun í frummatsskýrslu umhverfismats Blöndulínu 3 um áhrif línunnar á ferðamennsku og útivist. Í frummatsskýrslunni, sem gefin var út í mars síðastliðnum er mjög dregið úr þeim neikvæðu áhrifum sem Gunnþóra dregur fram í sínum niðurstöðum. Gunnþóra hefur gert athugasemdir við frummatsskýrsluna og bendir þar á fjölmörg dæmi þar sem rangt er farið með niðurstöðu sérfræðiskýrslu hennar. Landsnet kjósi að horfa fram hjá þeim neikvæðu áhrifum línunnar sem hennar rannsókn sýni fram á og velji að slíta úr samhengi texta með það að markmiði að fegra áhrif línunnar á ferðamennsku og útivist.
Bjarni Jónsson sagði frá því að sveitarfélagið Skagafjörður gerði athugasemdir við að í umhverfismati framkvæmdarinnar hafi einungis tvær leiðir í gegn um héraðið verið metnar þó svo að sveitarstjórn hafi á fyrri stigum málsins „bent á aðra möguleika í leiðarvali og framkvæmdakosti, svo sem að leggja línu í jörð, í að minnsta kosti að hluta til, aðrar stauragerðir, frekari rökstuðning fyrir áætluðu spennustigi og fleiri þætti „ eins og segir í nýlegri bókun sveitarstjórnar. Þar áréttar sveitarstjórn einnig að við undirbúning og vinnu að línulögninni verði „tekið ríkt tillit til hagsmuna heimamanna og skoðað hvort og þá með hvaða hætti hægt er að koma til móts við kröfur um línulögn í jörð að hluta til“.
Að loknum líflegum pallborðsumræðum, samþykkti fundurinn að skora á sveitarstjórnir allra sveitarfélaga á línuleið Blöndulínu 3 að hefja þegar í stað vinnu við breytingar á aðalskipulagi sveitarfélaganna og í þeirri vinnu verði fleiri valkostir skoðaðir til dæmis um leiðarval og lagningu jarðstrengs á hluta eða allri leiðinni.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
