Útgáfupartý Azpect í Ljósheimum
Hljómsveiting Azpect, sem er skipuð Sauðkrækingunum Atla Degi Stefánssyni og Hauki Sindra Karlssyni, mun gefa út sína fyrstu plötu á miðnætti á Laugardagskvöldið 10. júlí næstkomandi. Í tilefni af því ætla þeir að halda útgáfupartý í Ljósheimum sem byrjar klukkan 22:00 og mun standa fram eftir nóttu.
„Við erum semsagt að gefa út plötu núna aðfaranótt sunnudags, á miðnætti, og ætlum að flytja hana fyrir alla sem vilja mæta og heyra í okkur í Ljósheimum. Við ætlum að gera svolitla ballstemningu í kringum það, hafa DJ fyrir og eftir tónleikana, fá eins marga og við getum og reyna að kickstarta djammstemningunni hérna í Skagafirðinum. Við förum á svið á miðnætti um leið og platan kemur út,“ segir Atli Dagur Stefánsson í samtali við Feyki.
Hljómsveitin Azpect hefur verið við lýði í rúmt eitt og hálft ár en hún var stofnuð í febrúar 2020. Þeir félagar hafa nú þegar gefið út 11 lög og eina safnplötu sem inniheldur þau lög sem þeir voru búnir að gefa út sem „singúla“. Platan sem þeir gefa út núna mun bera nafnið Breaking out og innihalda 10 lög. 4 af þeim lögum hafa þeir gefið út sem singúla.
Drengirnir í Azpect brenna mikið fyrir tónlist og eru þeir báðir að mennta sig í þeim efnum. Haukur Sindri var að klára bachelor gráðu í music production við Rhythmic music conservatory í Kaupmannahöfn og er á leiðinni til London í september í mastersnám í kvikmyndatónlist við Royal college of music. Samhliða því er Atli Dagur einnig að fara til London þar sem hann mun stunda bachelor-nám í lagasmíðum við Institute of Contemporary music performance.
Félagarnir ætla því að fagna hérna aðeins á Íslandi áður en þeir skella sér út á meginlandið í haust.
„Við ætlum að reyna að fá smá stemningu hérna Íslandi og taka hana með okkur til London,“ segir Atli Dagur
Það er frítt inn á útgáfupartýið í ljósheimum og þeir félagar vonast til að sjá sem flesta þar.
/SMH
Fleiri fréttir
-
Tveir bikarleikir á vellinum í dag
feykir.is Skagafjörður, Íþróttir 23.06.2025 kl. 12.51Barna- og unglingaráð knattspyrnudeildar Tindastóls vill vekja athygli á því að í dag, mánudaginn 23. júní, verða spilaðir tveir bikarleikir á Sauðárkróksvelli. Fyrri leikurinn byrjar kl. 16:00 en þá tekur THK á móti Þór í 4. flokki karla. Seinni leikurinn er hjá 3. flokki karla og taka þeir á móti KA kl. 19:00. Allir á völlinn!Meira -
Páll Leó sigraði á Húnabyggð Open 2025
feykir.is Austur-Húnavatnssýsla, Íþróttir, Lokað efni 23.06.2025 kl. 10.10Opna skákmótið Húnabyggð Open 2025 fór fram í Krúttinu á Blönduósi á föstudaginn og var leikið eftir svissnesku aðferðinni. Tefldar voru fimm umferðir með tímamörkunum 5+2.Meira -
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira
