Útsetning á þaragarði úti fyrir Heggstaðanesi
Fyrirtækið Sjótækni stendur að útsetningu á þaragarði úti fyrir Heggstaðanesi í Húnaþingi vestra. Á heimasíðu Húnaþings vestra segir að tilraunaverkefnið snúi að ræktun þara og mun útsetningu umgjarðarinnar í kringum verkefnið ljúka í dag en hún hófst 2. október.
Um er að ræða tilraunaverkefni sem atvinnuvega- og nýsköpunarráðuneytið hefur veitt samþykki sitt fyrir. Í verkefnum sínum leggur Sjótækni áherslu á umhverfisvæna nálgun, nýsköpun og samstarf við rannsóknaraðila og stjórnvöld. Með tilraunaverkefninu er stigið mikilvægt skref í átt að jákvæðri nýtingu sjávarauðlinda og auknum vaxtarmöguleikum innan bláa hagkerfisins.
„Við lítum á þetta sem tækifæri fyrir Ísland til að taka skref í áttina á því að verða leiðandi í ræktun þara og nýtingu hans,“ segir Kjartan J. Hauksson, framkvæmdastjóri og stofnandi Sjótækni. „Þari hefur mikla möguleika, bæði sem matvæli og sem hráefni í líftækni og kolefnisbindingu. Með þessu verkefni sem við viljum kalla þaragarða, erum við að leggja grunninn að því að nýta þessa auðlind á ábyrgan hátt.“
Sjótækni er íslenskt fyrirtæki sem sérhæfir sig í sjóverktöku og aðra starfsemi tengda bláa hagkerfinu. Með tilraunaverkefninu styrkir fyrirtækið stöðu sína sem frumkvöðull í sjórækt og vistvænum lausnum.
Haldinn verður sérstakur íbúafundur 10. október til að kynna íbúum Hvammstanga og Húnaþings vestra fyrir tilraunaverkefninu. Sjótækni hvetur alla til að mæta á fundinn.
Heimild: Húnaþing.is
Fleiri fréttir
-
Dom Furness framlengir við Kormák/Hvöt
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 06.10.2025 kl. 08.22Þær stórbrotnu fréttir voru kynntar á Aðdáendasíðu Kormáks að knattspynuþjálfarinn Dominic Louis Furness hafi framlengt samning sinn við Kormák Hvöt um tvö ár og verði því við stýrið þegar blásið verður til 2. deildar karla sumarið 2026 og áfram.Meira -
Við skulum ganga suður með sjá
feykir.is Skagafjörður, Aðsendar greinar, Listir og menning 05.10.2025 kl. 12.44Sunnudaginn 12. október kl. 15 verður haldið málþing í Miðgarði í tilefni þess að 70 ár eru síðan fyrsta ljóðabók Hannesar Péturssonar kom út. Bókin heitir því yfirlætislausa nafni Kvæðabók og kom út árið 1955. Hún var gefin út í 1.000 eintökum í upphafi og þau eintök ruku út og það var prentað annað upplag í snatri en fjöldi þeirra eintaka var aldrei gefinn upp.Meira -
Platan Lítill fugl með Ellý Vilhjálms í uppáhaldi hjá Lillý | EMELÍANA LILLÝ
feykir.is Skagafjörður, Listir og menning, Tón-Lystin, Lokað efni 05.10.2025 kl. 10.27Það er Króksarinn Emelí-ana Lillý Guðbrandsdóttir sem svarar Tón-lystinni í þetta skiptið en hún er tvítug á árinu. Hún hefur næstum því jafn lengi verið fastagestur í sviðslistum í Skagafirði, leikið með leikfélaginu nánast frá því að hún fór að ganga og svo hefur hún auðvitað sungið eins og engill frá fyrstu tíð.Meira -
Er búin að læra leikmannaskrá Tindastóls samviskusamlega
feykir.is Skagafjörður, Lokað efni 05.10.2025 kl. 08.00María Neves tók nýverið við starfi sem deildarstjóri þróunar, miðlunar og menningar hjá sveitarfélaginu Skagafirði. Feykir hafði samband við Maríu og fékk aðeins að kynnast þessum nýja innflytjanda á Sauðárkróki. Hún var nefnilega innflutt frá Portúgal þegar hún var ungabarn eins og hún kemst sjálf að orði, alin upp á Vestfjörðum þar sem hún bjó til 16 ára aldurs. Suðvesturhornið tók síðan við af Vestfjörðunum þar sem hún bjó lengst af á Akranesi eða þangað til í fyrra þegar hún fékk frábært atvinnutækifæri á Akureyri. „Þá seldum við hjónin íbúðina okkar, settum búslóðina í kassa, allt upp í bíl og brunuðum norður.“ Frá Akureyri lá síðan leiðin á Sauðárkrók í lok apríl á þessu ári og líkar þeim vel.Meira
