Vel heppnuð reiðsýning
Reiðsýningin útskriftarnema frá Háskólanum á Hólum sem haldin var á laugardaginn tókst með miklum ágætum, og verður ekki annað sagt en að hún hafi verið nemendum, kennurum þeirra og skólanum til mikils sóma, eins og segir á vef skólans.
Í sýningunni leystu nemendurnir ýmiss konar verkefni sem þeir hafa spreytt sig á undanfarin þrjú ár og gáfu þannig mynd af reiðmennskunáminu við Háskólann á Hólum.
Undir lok sýningarinnar klæddust nemendurnir hinum bláa einkennisjakka Félags tamningamanna og hefur það eflaust verið hápunkturinn fyrir suma þeirra.
Viðurkenningu fyrir bestan árangur í reiðmennskugreinum námsleiðarinnar hlaut Fredrica Anna Lovisa Fagerlund. Viðurkenning FT fyrir hæstu einkunn á lokaprófi í reiðmennsku kom einnig í hennar hlut.
Nemendurnir munu fá brautskráningarskírteini sín, fyrir BS í reiðmennsku og reiðkennslu, afhent við sameiginlega brautskráningarhátíð allra deilda skólans, í Menningarhúsinu Miðgarði þann 6. júní nk, en þá er reiknað með að liðlega 70 manns muni útskrifast.
Þess má geta að opið er fyrir umsóknir um skólavist til og með 5. júní, og inntökupróf í reiðmennsku verða haldin dagana 10. - 12. júní.
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
