Vetrarveður og ófærð í Skagafirði en ekki bólaði á gulri veðurviðvörun
Það hefur verið leiðinlegt vetrarveður í Skagafirði síðasta sólarhringinn og þar er nú éljagangur eða skafrenningur víðast hvar. Ekki var gefin út gul veðurviðvörun, það Feykir best veit, fyrir Strandir og Norðurland vestra og það er nú örugglega eitthvað sem í það minnsta Skagfirðingar geta klórað sér í kollinum yfir í dag. Verið er að moka göturnar á Króknum en þar var erfið færð í morgun, rösk norðanátt og éljagangur og þrengri götur fullar af snjó þannig að reyndir ökuþórar sátu fastir.
Það er búið að vera garg í austanverðum Skagafirði síðan í gærmorgun og í norðanáttinni hafa myndast sæmilegustu skaflar en svo kannski ekkert þar á milli. Þá hefur frést af ökuþórum á Hofsósi sem sátu fastir strax í gær.
Spáð er áframhaldi á þéttri norðanáttinni fram yfir hádegi, vindur yfirleitt á bilinu 7-15 m/sek og ýmist snjókoma eða éljagangur á Norðurlandi vestra. Það dregur úr vindi og ofankomu þegar líður á daginn og ætti veður að hafa gengið niður að mestu um miðnætti. Stillt veður fram að helgi hið minnsta.
Vegir eru færir á þjónustusvæði Vegagerðarinnar á Norðurlandi vestra en í Langadalnum er snjóþekja á vegi og éljagangur og unnið að mokstri líkt og í Blönduhlíð í Skagafirði og á Öxnadalsheiði þar sem unnið er að mokstri. Skafrenningur og snjóþekja eru á Sauðárkróksbraut og Þverárfjallsvegi. Hálka er á flestum vegum í Húnavatnssýslum en snjókoman síðasta sólarhringinn virðist hafa fallið að mestu við Skaga og Tröllaskaga.
Á myndinni hér að neðan sést hvernig færðin var um hálf níu í morgun.
Fleiri fréttir
-
Tindastólsmenn sóttu sigur í Bogann
feykir.is Skagafjörður, Íþróttir, Lokað efni 13.01.2026 kl. 09.55Leik var haldið áfram í Kjarnafæðimótinu í knattspyrnu um helgina en á föstudagskvöldið mættust lið Tindastóls og KA3 í B-deildinni og var spilað í Boganum. Akureyringar misstu mann af velli með rautt spjald snemma leiks og þrátt fyrir góða baráttu þeirra gulu og bláu þá tóku Stólarnir völdin og unnu að lokum góðan 6-1 sigur.Meira -
Árni Geir verður nýr forstjóri Origo
feykir.is Skagafjörður, Mannlíf, Lokað efni 13.01.2026 kl. 08.48Árni Geir Valgeirsson mun í febrúar taka við stöðu forstjóra Origo, eftir að hafa tekið við sem framkvæmdastjóri hugbúnaðarsviðs félagsins 2024 líkt og Feykir sagði frá á sínum tíma. Í frétt Morgunblaðsins í gær er haft eftir Árna Geir: „Hjá Origo starfar frábær hópur reynslumikilla sérfræðinga sem er sannarlega tilbúinn til að leiða íslenskt atvinnulíf og opinbera aðila inn í framtíðina þar sem tæknin skiptir öllu máli. Ég hlakka til að taka við keflinu og vinna áfram að spennandi og mikilvægum verkefnum fyrir viðskiptavini okkar.”Meira -
Ljósadagurinn er í dag
feykir.is Skagafjörður 12.01.2026 kl. 15.23Ljósadagurinn í Skagafirði er í dag og eru íbúar héraðsins hvattir til að tendra kertaljós við heimili sín og minnast látinna ástvina líkt og gert hefur verið undanfarin ár. Tilkomumikið að sjá fjölda logandi kerta við heimili, gangstéttir, götur og heimreiðar er skyggja tekur.Meira -
Línuleið Holtavörðuheiðarlínu 3
feykir.is Austur-Húnavatnssýsla 12.01.2026 kl. 11.26Íbúakynning verður haldin á Krúttinu á Blönduósi þriðjudaginn 13.janúar nk. þar sem farið verður yfir forsendur og ferli vegna línuleiðar Holtavörðuheiðarlínu 3 og hefst fundurinn klukkan 19:30 þar sem heitt verður á könnunni og léttar veitingar.Meira
