Viðburðir ehf. - Nýtt fyrirtæki á Sauðárkróki
Viðburðir ehf. er nýtt fyrirtæki á sviði viðburðastjórnunar og rannsókna á viðburðum, staðsett á Sauðárkróki. Fyrirtækið hyggst skipuleggja og halda viðburði, auk þess að bjóða upp á ráðgjöf varðandi framkvæmd viðburða og rannsóknir á áhrifum þeirra. Þá mun fyrirtækið bjóða upp á námskeið og kennslu á sviði viðburða og ferðaþjónustu.
Forsvarsmaður fyrirtækisins er Áskell Heiðar Ásgeirsson, fyrrverandi sviðsstjóri hjá Sveitarfélaginu Skagafirði og upphafsmaður og annar umsjónarmanna tónlistarhátíðarinnar Bræðslunnar. Auk Heiðars hefur fyrirtækið tengsl við fagfólk á öllum sviðum viðburðastjórnunar sem munu taka þátt í verkefnum fyrirtækisins.
Áskell Heiðar hefur unnið við ferðamál, menningarmál, kynningarmál og skipulag viðburða árum saman, bæði fyrir Sveitarfélagið Skagafjörð og á eigin vegum. Hann lauk nú á vormánuðum MA gráðu frá Háskólanum á Hólum í ferðamálum og viðburðastjórnun, en síðastliðinn vetur dvaldi hann ásamt fjölskyldu sinni í Englandi þar sem hann annaðist nám við Leeds Metropolitan University í viðburðastjórnun sem gestanemi frá Hólum. Heiðar kennir viðburðastjórnun og ferðamálafræði við Ferðamáladeild Háskólans á Hólum í vetur.
Fyrstu tónleikarnir sem Heiðar skipuleggur undir nafni Viðburða ehf. fara fram í Miðgarði laugardaginn 18. október nk. Þar munu þeir Óskar Pétursson Álftagerðisbróðir og Magni, bróðir Heiðars skemmta ásamt Valmari Valjaot Hvanndalsbróður.
„Óhætt er að lofa miklu fjöri þar sem þeir félagar fara í gegnum sín uppáhaldslög og ekki á hverjum degi sem hægt er að heyra allt frá Hamraborginni yfir í Queen slagara á sömu tónleikunum!“ segir í fréttatilkynningu frá fyrirtækinu.
Fleiri viðburðir eru í burðarliðnum hjá fyrirtækinu, bæði á Sauðárkróki, í Miðgarði og víðar, auk þess sem undirbúningur Bræðslunnar 2015 er þegar hafinn.
Hér er hlekkur á Facebook-síðu fyrirtækisins.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
