Víkingar höfðu betur einum fleiri
Tindastóll sótti Víking Ólafsvík heim í dag og rétt eins og venjulega hefði verið skemmtilegra að vinna leikinn en það gekk ekki eftir. Lið Víkings er sterkt og hafði að lokum sigur í leiknum, 2-1, og tyllti sér þar með á topp 1. deildar.
Leikið var við fínar aðstæður á Ólafsvík en bæði lið fóru rólega af stað. Tindastólsmenn voru þó heldur sterkari í fyrri hálfleik, spiluðu ágætlega og sköpuðu sér nokkur ágæt færi. Stöðva þurfti leikinn þegar talsvert var liðið á fyrri hálfleik þegar Edvard Óttharsson, varnarjaxl í liði Stólanna, fékk þungt höfuðhögg. Annað skiptið í síðustu tveimur leikjum sem liðsmenn Tindastóls fá þungt höfuðhögg og í bæði skiptin hefðu höggveitendur mótherjanna mátt fjúka út af. Leikurinn tafðist um fimm mínútur en Stólarnir virtust hafa haft gott af hvíldinni því Max Touloute skoraði laglegt mark á 41. mínútu, fékk boltann inn fyrir vörn Víkings frá Steven Beattie og kláraði færið vel. Strax á eftir fengu Stólarnir gott færi til að auka muninn en færið fór forgörðum. Á 45. mínútu urðu hins vegar kaflaskil í leiknum því þá vísaði Halldór Breiðfjörð dómari Edvard Óttharssyni af velli eftir að leikmaður Víkings var við það að sleppa í gegnum vörn Tindastóls. Edvard renndi sér í boltann og síðan í manninn og því spurning hvort dómarinn hafi ekki gert slæm mistök.
Víkingsliðið var sterkari aðilinn í síðari hálfleik, pressuðu lengstum af krafti en Stólunum gekk illa að halda boltanum einum færri. Sebastian Furness varði vel í markinu en átti ekki möguleika þegar Guðmundur Steinn Hafsteinsson skallaði glæsilega í mark Stólanna á 58. mínútu og jafnaði þar með metin. Hann var síðan aftur á ferðinni á 84. mínútu og tryggði heimamönnum sigurinn í leiknum. Skúffelsi fyrir Stólana sem höfðu lengstum varist vel í síðari hálfleik og að mestu komið í veg fyrir að heimamenn fengju dauðafæri.
Bestur í liði Tindastóls í dag var Sebastian Furness. Í fyrri hálfleik var Max Touloute sprækur, en hann fór af velli meiddur í hálfleik, og Dominic Furness var vel spilandi. Þrátt fyrir tvö töp í röð eru Stólarnir í sjöunda sæti deildarinnar með 14 stig en það eru aðeins tvö stig í neðsta sætið. Það verður því mikið undir þegar BÍ/Bolungarvík, sem er með 13 stig í 10. sæti, kemur á Krókinn næstkomandi miðvikudagskvöld 1. ágúst en leikurinn hefst kl. 18:00. Allir á völlinn og áfram Tindastóll!
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
