Von á sannkallaðri tónlistarveislu á Gærunni
Tónlistarhátíðin Gæran á Sauðárkróki tilkynnti formlega hverjir munu stíga á svið á tónlistarhátíðinni í Gestastofu Sútarans í gær en hátíðin fer fram í þriðja sinn þann 23. – 25. ágúst nk. Á hljómsveitarlistanum má sjá fjölmarga flotta tónlistarmenn og hljómsveitir og útlit fyrir sannkallaða tónlistarveislu.
„Við erum að toppa okkur núna,“ segir Stefán Friðrik Friðriksson, einn skipuleggjandi tónlistarhátíðarinnar en Gæran hefur vaxið um 100% frá ári til árs.
„Fyrsta árið seldum við 110 miða en í fyrra seldum við 295 miða,“ segir Stefán Friðrik en hátíðina sóttu um 500 manns, með tónlistamönnum og starfsfólki. Í ár stendur til að halda hátíðina í stærra húsnæði hjá Loðskinn og hafa Gæruliðar fengið leyfi til að selja um 7-800 miða.
Fyrsta árið segir Stefán Friðrik að fimm hljómsveitir hafi sótt um að spila á hátíðinni, í fyrra sóttu 14 um að spila á Gærunni en þetta árið voru 46 umsækjendur og gera Gæruliðar ráð fyrir því að gestafjöldi muni aukast að sama skapi.
„Það er sérstaklega ánægjulegt að segja frá því að sífellt fleiri skagfirsk bönd eru að koma fram á Gærunni; fyrsta árið voru þau fimm, tíu í fyrra en 14 í ár,“ segir Stefán Friðrik og bætir við að upphaflega var lagt upp með það að gefa skagfirskum tónlistarmönnum tækifæri til þess að spila við sem bestu aðstæður, fyrir stóran áhorfendahóp og með stærri hljómsveitum.
Gæran hefur einnig reynst vera góður stökkpallur fyrir minni hljómsveitir, t.d. eins og The Vintage Caravan sem voru tiltölulega óþekktir þegar þeir spiluðu fyrst á Gærunni fyrir þremur árum síðan. En samkvæmt Stefáni Friðrik verða þeir ekki með í ár, þótt þeir hafi sótt um, þar sem Gæran hafi tekið upp svokallaða þriggja ára reglu, en hún tryggir fjölbreytileika tónlistarmanna og að það séu ekki alltaf sömu hljómsveitirnar sem koma fram.
Auka aðdráttaraflið á Sauðárkrók
Fyrirtækjum og ferðaþjónustuaðilum var boðið í kynninguna á Gestastofu Sútarans í gær en þar voru þeir jafnframt hvattir til að vera með viðburði á sama tíma og tónlistarhátíðin. Stefán Friðrik segir hugmyndina hugsaða að fyrirmynd Iceland Airwaves og það yrði til þess að auka aðdráttaraflið á Sauðárkrók með svokölluðum „off-venue“ viðburðum ótengdir Gærunni en þó tengdir. Slíkt framtak yrði öllum til hagsbóta.
Þeir sem koma fram á Tónlistarhátíðinni Gærunni 23. – 25. ágúst eru:
- Eivør Pálsdóttir
- Dúkkulísurnar
- Gildran
- Dimma
- Skytturnar
- Skúli mennski
- Contalgen Funeral
- Sing for me Sandra
- Brother Grass
- Eldar
- Funk That Shit!
- Hljómsveit Geirmundar Valtýssonar
- Sverrir Bergmann og munaðarleysingjarnir
- Nóra
- Rock to the Moon
- Death by Toaster
- Wicked Strangers
- Art Factory Party
- Beebee and the Bluebirds
Sólóistakvöld 23. ágúst:
- Dana Ýr
- Sóla og Sunna
- Sveinn Rúnar
- Fúsi Ben og Vordísin
- Myrra Rós
- Gillon
- Joe Dúbíus
- Ink City
Hér má sjá kynningarmyndband Gærunnar 2012.
Fleiri fréttir
-
Viktoría vann söngkeppni Friðar
feykir.is Skagafjörður, Lokað efni 15.12.2025 kl. 14.10Söngkeppni félagsmiðstöðvarinnar Friðar var haldin í Miðgarði í Varmahlíð föstudaginn 12. desember sl og jólaball Friðar fyrir 8.-10. bekkinga í Skagafirði var svo haldið að balli loknu. Dj Kolli hélt uppi stuðinu á ballinu.Meira -
Hver er maður ársins á Norðurlandi vestra?
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.12.2025 kl. 13.58Líkt og undanfarin ár leitar Feykir til lesenda með tilnefningar um mann ársins á Norðurlandi vestra. Síðast var það Ásta Ólöf Jónsdóttir á Sauðárkróki semvar kjörin maður ársins fyrir árið 2024 en nú er komið að því að finna verðugan aðila til að taka við nafnbótinni Maður ársins á Norðurlandi vestra 2025.Meira -
Á heimavelli getum við sigrað hvaða lið sem er
feykir.is Skagafjörður, Íþróttir, Lokað efni 15.12.2025 kl. 13.29„Já, ég er mjög ánægður með leikinn. Það er gott fyrir okkur að komast áfram í bikarkeppninni og ég hlakka til að sjá hver næsti andstæðingur okkar verður,“ sagði Israel Martín þjálfari kvennaliðs Tindastóls þegar Feykir spurði hann í morgun út í leikinn gegn Þór sem lið Tindastóls vann í gærdag. Næsti leikur, sem er síðasti leikur ársins, er gegn liði Njarðvíkur hér heima á miðvikudagskvöldið.Meira -
Hamarsmenn negldir niður í Síkinu
feykir.is Skagafjörður, Íþróttir, Lokað efni 15.12.2025 kl. 12.08Tindastólsmenn voru áfram í hátíðarskapi þegar þeir tóku á móti liði Hamars úr Hveragerði í VÍS bikarnum í gærkvöldi og sennilega hefur gestunum þótt nóg um. Staðan var 42-5 að loknum fyrsta leikhhluta og Arnar þjálfari gat að miklu leyti keyrt sitt lið á hinum svokölluðu minni spámönnum. Lokatölur 125-66 og því annar leikurinn í röð sem Stólarnir vinna með 59 stiga mun, sem er svosem ágætis kækur.Meira -
Stólastúlkur höfðu betur í grannaslagnum í VÍS bikarnum
feykir.is Skagafjörður, Íþróttir, Lokað efni 15.12.2025 kl. 09.43Það var bikarsunnudagur í Síkinu í gær og það voru stelpurnar sem runnu á vaðið upp úr seinna kaffi. Gestirnir voru skærrauðir Þórsarar frá Akureyri en þær hafa verið að brillera í 1. deildinni í vetur og unnið alla sína leiki. Liðin buðu upp á spennandi leik en lið Tindastóls leiddi nánast allan tímann. Tapaðir boltar reynust gestunum dýrkeyptir og það fór svo að Stólastúlkur unnu leikinn 102-92 og já, Marta átti enn einn stórleikinn.Meira
