Fréttir

RARIK verður í viðhaldsvinnu í aðveitustöðinni við Laxárvatn og þarf að taka spennir úr sambandi sem mun hafa þær afleyðingar að víðtækt rafmagnsleysi verður í Húnabyggð, Skagaströnd, Skagabyggð og í hluta af Húnaþingi vestra. Viðhaldsvinnan hefst að kvöldi þriðjudagsins 5. desember kl. 23:00 og ætti rafmagn að vera komið á kl. 04:00 aðfaranótt miðvikudagsins 6. desember.

Það verður Jólamarkaður hjá Skagabyggð í Skagabúð sunnudaginn 3. desember milli kl. 14 og 17. Þar mun Merete vera með kjötafurðirnar frá Hrauni á Skaga eins og t.d. kæfu, ærhakk, grafið ærfillé og tvíreykt hangikjöt og margt fleira. Kofareykta hangikjötið verður svo tilbúið til afhendingar þann 12. desember og hægt verður að smakka og panta það á sunnudaginn á markaðinum. Einnig er hægt að panta í gegnum skilaboð á Facebooksíðunni þeirra Hraun á Skaga Eiderdown. Öll hjartanlega velkomin

Á heimasíðu Árskóla segir að ákveðið hafi verið að endurvekja hina skemmtilegu hefð sem Kokkakeppni 10. bekkjar Árskóla er eftir nokkurra ára hlé. Þar sem hópurinn í heimilisfræði er tvískiptur verður ein keppni á haustönn og önnur á vorönn. Keppni haustannarinnar var haldin 16. nóvember sl. og voru fjögur lið sem kepptu að þessu sinni. 

Feyki hefur ótrúlega gaman að því að fá sendar myndir til að birta á Feykir.is og fengum við sendar nokkrar góðar frá Króknum. Róbert Daníel, áhugaljósmyndari, frá Blönduósi var á ferðinni á Króknum í gær með drónann sinn og smellti nokkrum góðum. Takk fyrir Róbert:)

2. desember er runninn upp og er hann númer 336 á þessu ári og því aðeins 29 dagar eftir. Í dag er alþjóðlegi kerta dagurinn og því við hæfi að kveikja á einu eða tveimur kertum. Einnig er alþjóðlegi körfuboltadagurinn í dag og gott að skella sér í smá körfubolta nú ef þú nennir ekki í smá boltaleik en átt fat bike þá er alþjóðlegi fat bike dagurinn í dag líka. Munum bara að njóta dagsins....

Það verður hátíðarstemning á Sauðárkróki í dag, laugardaginn 2. desember, þegar jólaljósin verða tendruð á jólatrénu á Kirkjutorgi við hátíðlega athöfn. Áður en kemur að þeim ljúfa viðburði bjóða Rotarýfélagar gestum og gangandi í árlegt jólahlaðborð í íþróttahúsinu á Króknum og hefst veislan kl. 12 á hádegi.

Stólastúlkur sigla nú með himinskautum í 1. deild kvenna í körfunni og í kvöld gerðu þær sér lítið fyrir og lögðu topplið KR í parket. Það var ekki boðið upp á neina lognmollu í Síkinu því leikurinn varð grjótharður naglbítur þar sem úrslitin réðust í framlengingu. Vesturbæjarliðið leiddi með einu stigi þegar ein og hálf mínúta var eftir en síðustu sex stigin voru Stólastúlkna sem fögnuðu innilega í leikslok. Lokatölur 91-86 og með sigrinum komst lið Tindastóls upp að hlið KR á toppi deildarinnar.

Byggðasafn Skagfirðinga býður öll velkomin í Glaumbæ sunnudaginn 3. desember kl. 16-18. Útgáfuhóf bókarinnar Vetrardagur í Glaumbæ og sýningaropnun samnefndrar sýningar verða í Áshúsi þar sem hægt verður að skoða bókina og virða fyrir sér teikningar og málverk eftir Jérémy Pailler.

Á Facebook-síðu Unglingaráðs Körfuknattleiksdeildar Tindastóls segir að eftirtaldir leikmenn Tindastóls hafa verið valdnir í æfingahópa yngri landsliða KKÍ. Um er að ræða leikmenn liða U15, U16, U18 drengja og stúlkna auk U20 karla og kvenna.