Fréttir

Bestu deild kvenna í knattspyrnu lauk um helgina og það fór svo að eftir toppeinvígi Vals og Breiðabliks þá voru það Blikar sem fögnuðu Íslandsmeistaratitli eftir hreinan úrslitaleik gegn Val í síðustu umferð. Jafntefli dugði þeim grænu til sigurs og markalaust var það. Fótbolti.net tilkynnti í gær um val á liði ársins og þá valdi miðillinn efnilegasta leikmann deildarinnar og það hnoss féll í hlut leikmanns Tindastóls, Elísu Bríetar Björnsdóttur frá Skagaströnd. Til hamingju Elísa Bríet!

Einn félagi í Pílukastfélagi Skagafjarðar er að fara að taka þátt í stóru alþjóðlegu móti dagana 9.-13. október næstkomandi. Í tilkynningu á Facebook-síðu PKS er sagt frá því að Jón Oddur Hjálmtýsson er að fara í keppnisferð til Búdapest þar sem hann mun taka þátt í þremur keppnum; WDF World Open, WDF World Masters og WDF World Championship Qualifier.

Á fundi byggðaráðs Húnabyggðar fór sveitarstjóri yfir helstu verkefni sveitarfélagsins en nokkrum stórum verkefnum er lokið eða rétt að ljúka.

„Þetta er allt að koma“ eru einkunnarorð ríkisstjórnarinnar varðandi viðvarandi verðbólgu og þá óboðlegu vaxtakúgun sem almenningur hefur þurft að þola undanfarin ár. Ísland er með hæstu stýrivexti í hinum vestræna heimi. Aðeins fjögur lönd í Evrópu eru með hærri stýrivexti en Ísland: Rússland, Úkraína, Hvíta-Rússland og Tyrkland.

Landsvirkjun hefur ákveðið að styrkja Húnabyggð um 5.000.000kr. vegna hönnunar á nýrri göngubrú yfir ósa Blöndu.

Í vikunni var gengið frá samkomulagi Hraðfrystihúss Hellissands og FISK Seafood um kaup á dragnótabátnum Gunnari Bjarnasyni SH-122 sem gerður hefur verið út frá Ólafsvík. Skipið er 100 rúmlestir að stærð og 24 metrar á lengd, smíðað í Kína árið 2001. Gunnar Bjarnason mun leysa Hafdísi SK-4 af hólmi en engar aflaheimildir fylgja með í kaupunum. Umsamið kaupverð er eitt hundrað milljónir króna og verður skipið afhent í síðari hluta desembermánaðar nk. Samkomulagið er gert með fyrirvara um forkaupsrétt Snæfellsbæjar.

„Ég stúderaði lögfræði við Háskóla Íslands og Árósa-háskóla fyrir furðulega mörgum árum síðan miðað við hvað ég hélt að ég væri gamall. Svo lauk ég núna nýverið afar áhugaverðu námi í alþjóðarétti með áherslu á mannréttindi við Háskólann í Stokkhólmi. Ég starfa í fjarvinnu frá Íslandi við ýmis lögfræði-verkefni og tek einnig að mér að gagnrýna íslenskar glæpasögur í hjáverkum,“ segir Björn Ingi Óskarsson þegar Feykir finnur hann í fleti í ríki Gústafs konungs Svía nú síðsumars.

Íslensku menntaverðlaunin eru árleg viðurkenning fyrir framúrskarandi skólastarf eða aðrar umbætur í menntamálum. Tilnefningar voru kynntar fyrr í dag. Verðlaun eru veitt í fimm flokkum en í flokknum þar sem veitt eru verðlaun fyrir framúrskarandi skólastarf eða menntaumbætur var Árskóli á Sauðárkróki í hópi þriggja aðila sem tilnefndir voru.

Það að ganga með og eiga börn er ekki alltaf auðvelt og ekki sjálfgefið að allt gangi að óskum. Það hefur ljósmóðirin Arna Ingimundardóttir reynt á eigin skinni. Arna er uppalin á Sauðárkróki, dóttir Ingimundar [Guðjónssonar tannllæknis] og Huldu Agnarsdóttur. Arna er gift Jóhanni Helgasyni sem er uppalinn á Reynistað, sonur Helga [Sigurðssonar] og Sissu [Sigurlaugar Guðmundsdóttur]. Þau hafa verið saman í rúmlega 20 ár og eiga fjögur börn; þau Ingimund Helga 11 ára, Ástrós Huldu 7 ára, Mikael Nóa sem fæddist 2022 og svo eignuðumst þau hann Arnór Emil á nýársdag.Hún féllst á að segja Feyki sögu sína.

Það er Eyþór Franzson Wechner sem svarar Tón-lystinni að þessu sinni en hann er organisti Blönduóskirkju og nærsveita og kennir við Tónlistarskóla Austur-Húnvetninga. Hans hljóðfæri er því pípuorgel. Eyþór er fæddur árið 1990 á Akranesi en bjó unglingsárin í Hafnarfirði. „Það er engin bein tenging við Skagafjörð eða Húnavatnssýslur, nema hvað að föðursystir mín bjó á Sauðárkróki ásamt fjölskyldu. Fór svolítið þangað í fríum til að heimsækja frænda minn, sem er á aldur við mig. Svo flytur mamma á Hjalla í Akrahreppi fyrir um tólf árum og ég til Blönduóss fyrir níu árum.“