Fréttir

Það var leikið á Sjávarborgarvelli á Hvammstanga í gærkvöldi í 2. deild Íslandsmótsins – mögulega í fyrsta skipti. Það voru vaskir Völsungar sem mættu til leiks gegn heimamönnum í Kormáki/Hvöt. Húsvíkingar hafa jafnan haft á að skipa góðu fótboltaliði og þeir reyndust sterkari aðilinn í þetta skiptið og skiluðu sér heim á Húsavík með þrjú dýrmæt stig í pokahorninu. Lokatölur 1-3.

Við setningu Jólamóts Molduxa í körfubolta, sem haldið er annan dag jóla ár hvert í íþróttahúsinu á Sauðárkróki, var Samfélagsviðurkenning Molduxa veitt í sjöunda sinn. Að þessu sinni kom hún í hlut Karls Lúðvíkssonar, íþróttagarps í Varmahlíð, og þótti Molduxum við hæfi að Karl fengi viðurkenninguna að þessu sinni þar sem hann hefur verið óþreytandi við að leggja samferðafólki sínu lið á ýmsan hátt og ósjaldan í sjálfboðavinnu.

Stjórn Byggðastofnunar kom saman til fundar í höfuðstöðvum stofnunarinnar á Sauðárkróki síðastliðinn miðvikudag 25. júní. Verkefni stjórnar á fundinum var m.a. úthlutun sértæks byggðakvóta samkvæmt 10. gr. a. laga um stjórn fiskveiða nr. 116/2006 sem gengið hefur undir heitinu Aflamark Byggðastofnunar. Alls barst 21 umsókn um Aflamark Byggðastofnunar sem auglýst var í maí. Í byggðarlögunum Þingeyri, Suðureyri, Drangsnesi, Hólmavík, Hrísey, Borgarfirði eystra, Breiðdalsvík og Djúpavogi barst ein umsókn á hverjum stað. Tvær umsóknir bárust vegna byggðarlaganna Raufarhafnar og Bakkafjarðar, þrjár vegna Tálknafjarðar og sex vegna Grímseyjar.

Ragnheiður María Rögnvaldsdóttir býr á Sauðárkróki ásamt maka sínum, Sigmundi Birki og syni þeirra Lárusi Fannari. Þau eru svo heppin að dóttir þeirra, Kristín Lind býr rétt hjá þeim með kærastanum, Hauki Ingva og ömmusnúllunni, Kötlu Daðey. Ragnheiður María starfar sem forstöðumaður í Búsetukjarna og stundar nám í stjórnum í gegnum endurmenntun háskólans á Akureyri.

Á morgun, laugardag, hefst Rabarbarahátíðin í gamla bænum á Blönduósi en hátíðin byrjar á samhjóli frá gamla bænum kl. 9:00 og er hjólað í kringum Svínavatn. Þá mun reiðhjólaverslunin Örninn vera á svæðinu og setja upp fyrir hjólastillingar og sölusýningu. Þegar duglega fólkið er farið í langt samhjól verður yngri krökkunum boðið í samhjól út að Húnaskóla þar sem verður sett upp skemmtileg þrautabraut. Dagskrá Rabarbarahátíðarinnar heldur svo áfram frá kl. 12:00 en þá er móttaka rabarbararétta í uppskriftarkeppninni. Friðrik Halldór verður á svæðinu og sér um að spila létta tóna og auðvitað á hann eftir að taka rabarbaralagið.

Ingi Sigþór Gunnarsson þekkja flestir Skagfirðingar því hann hefur verið iðinn fyrir Leikfélag Skagafjarðar á sviðinu í Bifröst í mörg ár ásamt því að troða upp hér og þar með söng og skemmtisögum í Skagafirðinum og víðar. Hann sló í gegn nú síðast í leikritinu Litla hryllingsbúðin en þar fór hann með hlutverk Baldurs Snæs. 

Brotið var gróflega á Bryndís Rut Haraldsdóttur, fyrirliða Tindastóls, í leik liðsins gegn FH í Bestu deildinni nú á miðvikudagskvöldið. Breukelen Woodward, leikmaður FH, gaf Bryndísi þá olnbogaskot í andlitið eftir hornspyrnu en boltinn var víðs fjarri. Atvikið náðist á myndband og ekki gott að sjá hvað leikmanninum gekk til annað en að meiða. Tindastóll hefur nú kært brotið til KSÍ.

Á morgun fara fram þrír leikir á Sauðárkróksvelli og byrjar fyrsti leikurinn kl. 12 þegar A-lið fjórða flokks karla THK, sameiginlegt lið Tindastóls, Hvatar og Kormáks, spilar gegn ÍR. Annar leikurinn byrjar kl 13:20 þegar B-lið fjórða flokks THK spilar einnig gegn ÍR. Þriðji leikurinn verður svo kl. 16:00 en þá mætir meistaraflokkur karla liði KÁ. 

Nú fer að styttast í árlegan viðburð. Sturlufélagið heldur árlega Sturluhátíð laugardaginn 13. júlí nk. Hátíðin er kennd er við sagnaritarann mikla Sturlu Þórðarson, sem bjó að Staðarhóli í Dölum. Hátíðin hefst við Staðarhól, Saurbæ í Dölum, með afhjúpun söguskilta sem Sturlufélagið hefur látið útbúa og gefa innsýn í sögu sagnaritarans, Staðarhóls og héraðsins. Að því loknu förum við í sögugöngu með leiðsögn um Staðarhól. Að lokinni þessari dagskrá á Staðarhóli verður haldið að Laugum í Sælingsdal, þar sem dagskráin heldur áfram og verða bornar fram kaffiveitingar, í boði Sturlufélagsins, að gildum og góðum íslenskum sið.

Á heimasíðu Skagafjarðar er góð ábending til íbúa Skagafjarðar sem og gesta að einungis er tekið á móti lífrænum úrgangi í jarðgeranlegum maíspokum. Bréfpokana sem þekkjast víða annars staðar skal ekki nota undir lífrænan úrgang. Ástæðan fyrir þessu er að lífrænn úrgangur er sendur til Jarðgerðarstöðvarinnar Moltu og tækin sem notuð eru þar til þess að vinna úrganginn geta stíflast og eyðilagst ef notaðir eru bréfpokar.