Fréttir

Þann 21. maí síðastliðinn fór Íslandsmeistaramót yngri flokka í júdó fram hjá júdódeild Ármanns í Reykjavík. Þar var keppt í aldursflokkunum U13, U15, U18 og U21. Þátttakendur voru alls 57 talsins eða 49 drengir en aðeins átta stúlkur.

Þann 21. maí síðastliðinn fór fram Nýsköpunarkeppni gunnskólanna. Nýsköpunarkeppni grunnskólanna er hugmyndasamkeppni fyrir nemendur í 5.–7. bekk grunnskóla. Krakkarnir útfærðu hugmyndir sínar á vinnustofum í tvo daga og fór keppnin fram laugardaginn 21. maí í Háskólanum í Reykjavík.

Vinna við gerð útboðsgagna vegna fyrirhugaðs útboðs á sorphirðu í Skagafirði er langt komin, segir í fundargerð umhverfis- og samgöngunefndar Sveitarfélagsins Skagafjarðar. Til stendur að gera leiðbeinandi skoðanakönnun hjá íbúum í dreifbýli þar sem að valið verður á milli þess að heimilissorp verði sótt heim á lögheimili í dreifbýli eða að fyrirkomulagið verði óbreytt.

Nú hefur heldur betur færst líf á Nafirnar á Króknum þar sem sauðburður er langt kominn og jafnvel búinn hjá flestum Nafabændum. Feykir tók hús á einum þeirra sl. föstudag, Sigurbirni Árnasyni, sem festir þekkja sem Bjössa húsvörð, en hann hefur gegnt þeim starfa við íþróttamannvirkin á Sauðarkróki. Þegar viðtalið átti sér stað var kalt í veðri en þó þurrt og mundu menn ekki hlýrra daga síðan í apríl, ýmist næturfrost, hrím eða snjókoma. Líkt og aðrir Nafabændur er Bjössi ánægður með að eiga kost á að snúast í kringum sínar kindur og vera þátttakandi í skemmtilegu mannlífi.

Nú ræðst Bók-haldið ekki á garðinn þar sem hann er lægstur og bankar kurteislega á dyrnar hjá blaðamanninumm og bókmenntagagnrýnandanum Kolbrúnu Bergþórsdóttur. Þetta er nú kannski ekki alveg satt. Kolbrún, sem fæddist í Reykjavík árið 1957 og býr þar, fær raunar aðeins sendan tölvupóst með spurningalista Bók-haldsins...

Lið Tindastóls tryggði sér sæti í 16 liða úrslitum Mjólkurbikarsins með sigri gegn HK í fyrstu umferð og síðan ÍR. Það var því bæði jákvætt og neikvætt þegar ljóst varð að andstæðingur liðsins í 16 liða yrðu Íslandsmeistararnir í Val. Slæmt því reikna mátti með afar erfiðum leik en ánægjulegt að fá meistarana í heimsókn á Krókinn og heiður að mæta þeim. Það fór svo að Valskonur reyndust of stór biti að kyngja og þrátt fyrir góðan síðari hálfleik hjá heimastúlkum þá var sigur Vals aldrei í hættu. Lokatölur 1-4.

Kormákur/Hvöt spilaði á Hornafirði í dag við lið Sindra í 3. deildinni. Húnvetningar voru í öðru sæti deildarinnar að loknum þremur leikjum en máttu lúta í gras í dag. Lokatölur 2-1.

Tindastóll og Úlfarnir mættust í dag á Sauðárkróksvelli í B-riðli 4. deildar. Lið Úlfanna er einskonar b-lið Fram og að miklu leiti skipað strákum um tvítugt sem komu upp í gegnum öflugt yngri flokka starf Fram. Það sýndi sig að þeir gátu spilað fótbolta og leikurinn var ágætlega spilaður og bæði lið vonsvikin með jafntefli í leikslok. Lokatölur 2-2.

Alls brautskráðust 112 nemendur frá Fjölbrautaskóla Norðurlands vestra í gær. Athöfnin var sannarlega hátíðleg og létt yfir mannskapnum, enda lífið fengið fleiri liti í kjölfar tveggja ára í skugga Covid-19. Feykir fékk leyfi til að birta nokkrar myndir frá brautskráningardeginum; frá myndatöku, undirbúningi athafnar, athöfninni sjálfri og glaðbeittum nemendum og gestum að henni lokinni.

Í síðustu grein var fjallað allítarlega um hrossaræktarsamböndin og starfið innan þeirra en það var auk umsvifamikils stóðhestahalds töluvert og þá að mestu í tengslum við búnaðarsamböndin og landsráðunautanna í hrossarækt, s.s. söfnun og frágangur folaldaskýrslna, aðkoma að sýningahaldi o.fl. Samstarfsvettvangur þeirra, Hrossaræktarsamband Íslands, nýttist og verulega þegar unnið var á sínum tíma að skilgreiningu dómskalans, stigunarkvarðanum, sem tekin var upp formlega árið 1990.