Ljúffeng blómkálssúpa með baguette
Matgæðingur vikunnar í tbl 34, 2022, var Kristín Rós Blöndal Unnsteinsdóttir en hún er búsett í Tunguhlíð í Lýdó og vinnur á leikskólanum Birkihlíð sem er í Varmahlíð. Kristín er í sambúð með Guðjóni Ólafi Guðjónssyni og ætlar að bjóða upp á haustlegar máltíðir.
„Ég er aðeins að vinna með slump og slatta í súpuuppskriftinni og það er um að gera að prufa sig áfram.“
AÐALRÉTTUR
Blómkálssúpa
1 stk blómkálshaus
1 hænsnatengingur
1 uxateningur
2 grænmetisteningar
lint smjör/smjörvi
hveiti
1 l mjólk
½ matreiðslurjómi
hunang
Aðferð: Fyrst byrjar maður á að sjóða blómkálshausinn. Í annan pott er settur u.þ.b. 1 lítri af vatni með öllum súputeningunum. Þá er blandað saman í skál linu smjöri/smjörva við hveiti sem á að mynda hnefastóra smjörbollu sem er sett út í sjóðandi vatnið, hrært saman, hitinn lækkaður niður. Þá er u.þ.b. 1 lítra af mjólk bætt út og rúmlega hálfum matreiðslurjóma og pínu hunangi. Að lokum er svo soðna blómkálinu bætt út í súpuna. Með þessu er svo tilvalið að bera fram nýbakað baguette brauði.
MEÐLÆTI
Baguette brauð
4 bollar hveiti
2 tsk. salt
2 msk. hunang
1 bréf þurrger eða 1 og
½ matskeið
1½ bolli af volgu vatni
Aðferð: Ger og hunang er sett saman í skál og hálfum bolla af volgu vatni hellt yfir. Látið standa í fimm mínútur þar til það er byrjað að freyða og orðið eins og þykkt lag ofan á blöndunni. Því næst er hveiti og salt sett saman í skál og kveikt á hrærivélinni. Gerblöndunni er hellt smám saman út í. Ef þið eruð ekki með hrærivél þá hellið þið örlítið í einu af blöndunni út í hveitið. Næst er allt að einum bolla af volgu vatni bætt við deigið smátt og smátt, meðan hnoðarinn hnoðar. Ef deigið verður of blautt bætið þá við hveiti. Þegar deigið er búið að hringa sig í eina kúlu í kringum hnoðarann þá er það tilbúið. Látið hefast í skál með stykki yfir í 30 mínútur. Þegar þetta er búið að hefast er hveiti sett á borð eða bretti, og deigið hnoðað í kúlu, því næst er því skipt í tvennt og smá hveiti sáldrað yfir deigið og á kökukeflið. Fletjið hvern part út í 1-1,5 sm þykkan sívalning eða ferning og rúllið svo deiginu upp eins og þið væruð að gera kanilsnúða. Síðast er svo endinn togaður yfir og brettur undir sitt hvorn endann. Skerið næst ræmur eða mynstur í brauðið og byrjið að hita ofninn á 210°C. Leyfið því svo að hefa sig aftur í 10-20 mínútur undir stykki. Þegar brauðið er búið að hefa sig á ný er gott að sprauta á það vatni, rétt áður en það fer í ofninn, til að fá stökka skorpu. Setjið að lokum klaka í bökunarskúffu og setjið í botninn á ofninum. Bakið svo brauðið á grind með smjörpappír í 15 til 20 mínútur eða þar til það er komin gullin skorpa á það. Uppskriftin er tekin af paz.is
Verði ykkur að góðu!
Kristín skoraði á mágkonu sína Auðbjörgu Ósk Guðjónsdóttir og hennar mann Guðberg Haraldsson.
Myndin er tekin af lindaben.is
Fleiri fréttir
-
Þegar fyrsti leikur fer í gang er sumarið komið!
feykir.is Skagafjörður, Íþróttir 20.04.2024 kl. 14.37Það kemur sjálfsagt engum á óvart sem þekkir Bryndísi Rut Haraldsdóttur, fyrirliða kvennaliðs Tindastóls í Bestu deildinni í knattspyrnu, að sumarið leggst alveg rosalega vel í hana. „Ég er orðin mjög spennt að byrja tímabilið eftir langan vetur og held að þetta verði alveg ótrúlega gaman – eins og þetta er nú alltaf!“ segir hún hress og jákvæð. Feykir lagði nokkrar spurningar fyrir fyrirliðann en fyrsti leikur Stólastúlkna í Bestu deildinni er á morgun, sunnudag kl. 16, og er frítt á völlinn í boði Uppsteypu.Meira -
Skemmtileg stund og sérlega þjóðleg
feykir.is Austur-Húnavatnssýsla, Ljósmyndavefur, Listir og menning, Mannlíf 20.04.2024 kl. 13.10Laugardaginn 6. apríl sl. var boðað til mikillar og þjóðlegrar menningarveislu í gamla fjósinu í Bólstaðarhlíð í Húnavatnssýslu þar sem fram fór viðburðurinn Hrossakjöt og kvæðaraus. Undirritaður var gestur þeirra hjóna, og ferðaþjónustubænda, Freyju Ólafsdóttur og Einars Kolbeinssonar og í stuttu máli sagt var þetta einstaklega skemmtileg stund og sérlega þjóðleg.Meira -
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.