Fréttir

Húnahornið vitnaði um helgina í frétt Sjónvarpsins þar sem sagt var frá því að sveitarstjórn Skagastrandar vonist til að í nánustu framtíð muni gamla síldarverksmiðjan í bænum hýsa ferðamenn. Gangi fyrirætlanir sveitarfélagsins eftir verður verksmiðjunni breytt í 60 herbergja hótel. Haft var eftir Halldóri G. Ólafssyni, oddvita sveitarstjórnar, að skortur á gistirýmum á Norðurlandi vestar standi þróun ferðaþjónustu fyrir þrifum og að sveitarstjórn sjái tækifæri í því að byggja hótel.

Flokkur fólksins er eini flokkurinn á Alþingi sem var móti sölunni á Íslandsbanka. Óljóst er hver rök annarra stjórnmálaflokka er fyrir sölunni í núverandi umhverfi á bankamarkaði, þar sem samkeppnisleysið er algjört.

Lið Tindastóls og Keflavíkur mættust í kvöld í fimmtu og allra síðustu viðureign liðanna í átta liða úrslitum Subway-deildarinnar. Bæði lið höfðu unnið tvo leiki og sigurvegarinn átti því víst sæti í undanúrslitum þar sem andstæðingurinn yrði deildarmeistarar Njarðvíkur. Reiknað var með hörkuleik og stuðningsmenn liðanna streymdu í Síkið sem aldrei fyrr. Viðureignin reyndist hin besta skemmtun fyrir heimamenn því lið Tindastóls mætti í miklu stuði til leiks, tók snemma góða forystu sem gestirnir voru hreinlega aldrei nálægt að vinna upp. Lokatölur 99-85 og Stólarnir því áfram í undanúrslitin.

Aðalheiður Dóra Sigurðardóttir er fædd og uppalin í Hafnarfirði (Gaflari). Hún á þrjú börn; stelpu fædda 1994, strák fæddan 1995, stelpu sem er fædd 2004 og stjúpdóttur sem er 1983 árgangur og það eru komin þrjú barnabörn hjá henni.

Föstudaginn 29. apríl munu fjölmargir listamenn stíga á stokk í Háa salnum á Gránu á Sauðárkróki og flytja ýmis lög við texta Hilmis Jóhannessonar, ort við margs konar tækifæri. „Þetta verður fjöllistahópur einhvers konar en ég ætla líka að sýna myndir sem hann málaði og ég gerði lög við vísurnar sem hann teiknaði á myndirnar,“ segir Eiríkur sonur hans sem stendur að baki viðburðinum.

Lið Tindastóls gat tryggt sér sæti í undanúrslitum Subay-deildarinnar í gærkvöld þegar liðið okkar mætti Keflvíkingum suður með sjó í fjórða leik liðanna. Nokkrir máttarstólpar liðsins voru hins vegar ekki í stuði og það er bara ekki boði á þessu stigi körfuboltavertíðarinnar. Með góðri baráttu tókst liði Tindastóls að snúa vondri stöðu við, náðu muninum í tvö stig, 75-73, þegar rúmar fjórar mínútur voru eftir af leiknum en þá sprakk liðið á limminu og Keflvíkingar sigldu heim sigri, 91-76, og tryggðu sér þar með oddaleik í Síkinu á sjálfan páskadag.

Eftir tveggja ára frekar dauflegt tímabil sökum Covid þá er ekki annað að sjá en að nú lifni yfir mannlífinu og listaspírur grænka og dafna þegar nærviðbrögð þakklátra áheyrenda næra og ylja. Í gærkvöldi mætti söngdívan Margrét Eir í Sauðárkrókskirkju og heillaði alla með sinni einstöku rödd og ekki skemmdi undirleikur Rögnvaldar Valbergssonar fyrir – bæði tvö hreint frábær.

Parið Ingveldur og Jón ásamt 3 börnum sínum búa í Böðvarsstöðum í Húnaþingi vestra, rétt austan megin við Hvammstanga og eru búin að opna hundahótel og þjálfun. Á Hólakoti er lagt mikið upp úr því að hundarnir fái góða útiveru í stóru og fallegu útigerði ásamt reiðskemmu sem hægt er að nýta í slæmum veðrum. Ingveldur og Jón svara nokkrum spurningum um Hólakot og hvernig þetta gengi fyrir sig og hvetjum ykkur endilega að kíkja á facebook síðuna hjá þeim www.facebook.com/Holakot og holakot.is

Hrafn Margeirsson er mörgum kunnur úr handboltanum en hann var ungur kominn suður og kynntist þar íþróttinni sem varð hans eftir það. „Lék í meistaraflokki í 19 ár og á, að mig minnir, 48 landsleiki að baki fyrir Íslands hönd,“ segir hann. Hrafn sleit barnskónum á Mælifellsá, fremsta bæ á Efribyggð í Lýdó hinum forna.

Matgæðingar vikunnar eru Baldur Sigurðsson, eigandi Bílaþjónustu Norðurlands og umboðsmaður Bílaleigunnar Avis, og eiginkona hans, Helga Skúladóttir, starfsmaður Landsbankans, og eru þau búsett á Sauðárkróki.