Árbæingar rændu Stólana á köldu sumarkvöldi á Króknum
Tindastólsmenn tóku á móti liði Elliða úr Árbænum á gamla góða grasvellinum á Króknum í kvöld en um var að ræða fyrsta leikinn í 14. umferð 3. deildar. Lið Tindastóls er í fallsæti og þurfti því nauðsynlega að sækja sigur. Heimamenn höfðu talsverða yfirburði í leiknum, voru mun betra liðið og Árbæingar nánast úti á þekju í sóknarleik sínum í allt kvöld. Þeir fengu hins vegar eitt dauðafæri í leiknum og skoruðu úr því á meðan Stólarnir gátu með engu móti komið boltanum í markið. Úrslitin því ógnarsvekkjandi 0-1 tap og ljóst að Tindastólsmenn þurfa að finna sinn Lukku-Láka ekki síðar en strax.
Leikið var í norðansúld á Króknum í kvöld en aðstæður á grasvellinum virtust þó hinar bestu til að spila fótbolta. Lið Tindastóls var miklu sterkara en lið gestanna á upphafsmínútunum og eftir tíu mínútna leik hafði Pape Mamadou Faye þegar klikkað á tveimur dauðafærum, einn á móti markmanni Elliða. Um miðjan hálfleikinn fékk hann aftur upplagt færi en eftir skógarhlaup markmannsins barst boltinn til Pape á miðjum vallarhelmingi gestanna og enginn í markinu. Hann hitti hins vegar ekki markið. Gestirnir komust betur inn í leikinn eftir því sem á leið, höfðu norðangoluna í bakið, en náðu ekki að ógna marki Tindastóls svo neinu næmi. Staðan því 0-0 í hálfleik.
Stólarnir byrjuðu síðari hálfleik af krafti en gekk nú verr að skapa sér almennileg tækifæri. Gestirnir spiluðu vörnina betur en í fyrri hálfleik en uppspil þeirra var veikt og þeim gekk illa að sækja að marki Tindastóls. Stólarnir komu boltanum reyndar í mark gestanna um miðjan síðari hálfleik við mikinn fögnuð áhorfenda en aðstoðardómari taldi boltann vera kominn aftur fyrir endamörk þegar hann var sendu fyrir mark Elliða. Skömmu síðar sendu gestirnir langan bolta fram sem einn miðjumanna Stólanna misreiknaði, Elliðar náðu í kjölfarið góðu þríhyrningaspili og leikmaður þeirra slapp í gegnum vörn heimamanna og sendi boltann af öryggi í fjærhornið hjá Atla Degi í marki Tindastóls – algjörlega gegn gangi leiksins. Stólarnir pressuðu af miklum móð síðustu mínúturnar en þegar komið var upp að vítateig gestanna skorti gæðin til að skapa alvöru færi og gömlu góðu gredduna til að vinna boltann þegar hann loks kom inn í boxið. Þó markið héngi í loftinu þá kom það ekki og leikmenn Tindastóls fara því með enn eitt tapið á koddann í kvöld.
Það var ekki margt hægt að finna að spili Tindastóls í kvöld. Boltinn gekk oft vel og liðið bjó til margar álitlegar stöður. Það má geta sér þess til að lítið sjálfstraust sé í liðinu eftir síðustu tapleiki og erfiða stöðu liðsins og það hafi áhrif á frammistöðuna upp við mark andstæðinganna. Að öðrum ólöstuðum þá áttu Konni og Cisco fínan leik en Konni spilaði í vörninni að þessu sinni og gat dreift boltanum vel úr þeirri stöðu – átti varla feilsendingu.
Nú þurfa Stólarnir að snúa þessu lánleysi við í einum grænum, gæðin eru til staðar en staðan orðin erfið í botnslagnum. Út með kassann – koma svo Stólar!
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.