Axel tekur sér frí frá körfuboltanum
Það voru einhverjir sem spáðu því eftir að Körfu-Stólarnir versluðu nokkra lipra leikmenn í vor að það væri næsta víst að nú færi Íslandsmeistaratitillinn norður á Krók að ári. Eitthvað sló á bjartsýnina þegar Sigtryggur Arnar gekk úr skaftinu og í lið Grindavíkur en Stólarnir nældu í staðinn í Dino Butorac. Sá orðrómur að Axel Kára hyggðist taka sér pásu frá körfuboltanum hefur hins vegar valdið mörgum stuðningsmanni Stóla áhyggjum og nú í vikunni staðfesti Axel, í viðtali við Vísi.is, að hann yrði ekki með Stólunum í vetur.
„Ég er ekki hættur. Þetta er bara smá pása hjá mér,“ segir Axel í Vísi og gerir ekki ráð fyrir því að snúa aftur eftir jól og klára tímabilið.„Ég hef sagt forráðamönnum Tindastóls að gera ekki ráð fyrir mér í vetur. Ég vil ekki vera að gera þetta í einhverju hálfkáki. Ég vil ekki lofa því að koma aftur eftir áramót því það er ekkert víst að löngunin verði þá til staðar. Maður veit samt aldrei hvort andinn komi yfir mann. Það verður bara að koma í ljós.“
Þetta er að sjálfsögðu skellur fyrir lið Tindastóls, enda Axel þaulreyndur í bransanum og landsliðsmaður til margra ára. Ekki er á honum að heyra að hann hyggist leggja skóna á hilluna því hann segist ætla að vinna í veikleikum sínum í vetur, þjálfa sig í að drippla með vinstri og vinna í sprengikraftinum. „Ég ætla ekki að koma til baka lélegri en ég var. Ég mun fara á frjálsíþróttaæfingar og fæ svo pabba gamla í að skóla mig eitthvað til,“ segir Axel.
Sá ágæti körfuboltavefur Karfan.is birtir í dag það sem þeir kalla ótímabæra kraftröðun Dominos deildar karla #2. Í þeirri fyrri spáðu þeir Tindastóls-liðinu titlinum en nú í kjölfar frétta af frímennsku Axels þá gjaldfella þeir Stólana niður um eitt sæti og setja Stjörnuna á toppinn. Miklar sviptingar hafa verið á leikmannamarkaðnum í sumar og verður spennandi að fygljast með Dominos-deildinni í vetur og hvernig liðin koma stemmd inn í mótið.
Hægt er að hlýða á þessar pæliingar þeirra Körfu-manna hér >
Spilað á Hvammstanga í kvöld
Stuðningsmenn Tindastóls geta farið að láta sig hlakka til vertíðarinnar því fyrsti æfiingaleikur liðsins er einmitt í kvöld á Hvammstanga en þar mæta Stólarnir liði Skallagríms. Með Sköllunum leikur Björgvin Hafþór sem skipti úr Stólunum í sumar en auk hans hafa Chris Caird, Sigtryggur Arnar og Hester yfirgefið Stólana. Í þeirra stað eru komnir fjórir leikmenn; Urald King, Denero Axel Thomas, Dino Butorac og Brynjar Þór.
Danero og Pétur Birgis voru í landsliðsverkefnum með Íslandi á dögunum. Danero spilaði talsvert með liðinu og gerði átta stig í fyrri leiknum en tvö í þeim síðari. Pétur meiddist í fyrsta leikhluta í fyrsta leiknum, fékk högg á nefið og kom ekki meira við sögu í leikjunum.
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.