Gaddfreðnir Garðbæingar lutu í gras
Tindastólsmenn tóku á móti Knattspyrnufélagi Garðabæjar (KFG) á grasvellinum á Króknum í gær. Lið Tindastóls er langneðst í 2. deildinni og hafði fyrir leikinn aðeins unnið einn leik í sumar. Liðið hefur þó sýnt talsverð batamerki upp á síðkastið og Garðbæingar, sem virkuðu gaddfreðnir í norðlenska norðanstrekkingnum, reyndust Stólunum frekar þægilegur andstæðingur. Lokatölur 3-0 en lið Tindastóls sem fyrr í botnsætinu en nú með níu stig.
Sem fyrr segir var kalt á vellinum og ekki laust við að norðanvindurinn hefði áhrif á spil liðanna. Lið Tindastóls lék á móti vindi í fyrri hálfleik og þá vill nú oft verða töluvert auðveldara að stinga boltanum inn fyrir vörn andstæðinganna. Heimamenn fengu óskabyrjun þegar Arnar Ólafs gerði ágætt mark úr teignum strax á 5. mínútu. Á 12. mínútu var boltanum stungið inn fyrir á Kyen Nicholas og hann náði að hrista af sér varnarmenn KFG og skora af öryggi. Í stöðunni 2-0 gátu Stólarnir leyft sér að draga sig aðeins til baka og hóta skyndisóknum. Lið gestanna var því talsvert með boltann en Tindastólsmenn voru feyki vinnusamir og vörðust og börðust eins og ljón. Garðbæingar fengu fá færi í fyrri hálfleik, lítil ógn var úr hornspyrnum þeirra og þau fáu skot sem þeir áttu ógnuðu varla marki Faerbers sem átti óvenju náðugan dag í búrinu. Staðan 2-0 í hálfleik.
Í síðari hálfleik voru gestirnir áfram meira með boltann án þess að ógna að ráði. Stólarnir reyndu nú að hleypa Nicholas og Arnari á skeið en það vill oft vera höfuðverkur að setja rétta kraftinn í stungusendingarnar undan vindi og því varð raunin oftar en ekki sú að framherjarnir eltu boltann á harðahlaupum þangað til hann rúllaði aftur fyrir endamörk. Þekkt vandamál á Króknum í þau fáu skipti sem eitthvað blæs á vellinum! Gestirnir fengu 2-3 sæmileg skotfæri um og upp úr miðjum hálfleiknum en í raun var meiri hætta á ferðum þegar Stólarnir sóttu og náðu að halda boltanum niðri. Á 80. mínútu kom rothöggið. Kyen Nicholas náði boltanum úti á hægri kanti til móts við vítateig KFG, hann skaust inn á teig, lét vaða á markið og Stefán Björn í marki gestanna kom litlum vörnum við. Frábært mark. Sennilega væri staða Stólanna í deildinni betri ef Englendingurinn hefði skilað sér fyrr í skagfirsku sumarparadísina. Fátt markvert gerðist það sem eftir lifði og annar sigur Tindastóls kærkominn.
Lið Tindastóls átti fínan leik í gær en liðið var án Konna Sigga Donna að þessu sinni og Fannar Kolbeins byrjaði á bekknum. Vörnin var þétt og Bjarki og Sverrir Hrafn áttu frábæran leik báðir tveir. Fyrir framan þá var Tanner hrikalega sterkur og Benni barðist eins og ljón. Fremstur var síðan Kyen Nicholas og ef lið Tindastóls kemur boltanum á hann þá er hann sterkur á honum þannig að Stólarnir ná að færa lið sitt ofar á völlinn. Hann gerði tvö góð mörk í dag og virkaði ánægður með dagsverkið. Þá má geta þess að lið Tindastóls fékk annan góðan bita í júlíglugganum þegar Þórsarar lánuðu okkur Aðalgeir Axelsson en hann hefur smollið vel inn í lið Tindastóls, sókndjarfur og skapandi.
Nú er búið að spila 16 umferðir í 2. deildinni og lið Tindastóls neðst með níu stig. KFG eru í 11. sæti með 15 stig og lið Kára á Akranesi er í 10. sæti með 17 stig. Það eru sex umferðir eftir og 18 stig í pottinum. Stólarnir geta því tæknilega náð í 27 stig en það er í þessu eins og svo mörgu öðru – einn dagur/leikur í einu. Áfram Tindastóll.
Fleiri fréttir
-
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.