Grindvíkingar mæta í Síkið í kvöld
Síðastu umferðinni í Dominos-deildinni nú fyrir jól lýkur í kvöld og er jafnframt um að ræða síðustu umferðina í fyrri umferð deildarkeppninnar. Lið Tindastóls tekur á móti liði Grindavíkur í Síkinu og eru stuðningsmenn Stólanna hvattir til fjölmenna, enda alla jafna um skemmtilegar viðureignir að ræða þegar þessi lið mætast. Feykir lagði nokkrar spurningar fyrir Baldur Þór Ragnarsson, þjálfara Tindastóls.
Hvernig leggst leikurinn við Grindavík í þig? „Leikurinn leggst vel í mig. Grindavík hefur verið að spila mjög vel og verður gaman að takast á við hörkulið á heimavelli. Þeir eru hraðir með mikið af góðum skotmönnum og þeir sækja á þann styrkleika. Við þurfum að bregðast við því.“
Ertu ánægður með leik liðsins það sem af er tímabilinu? „Já, ég er ánægður með liðið, við höfum sýnt að við getum verið góðir og einnig dottið niður inn á milli. Við þurfum að halda áfram að mæta með orku á æfingar og hjálpa hver öðrum að verða besta útgáfan af sjálfum okkur. Þá munum við halda áfram að bæta okkur.“
Er Tindastóll eitthvað að skoða breytingar á mannskap í janúar? „Við erum bara að einbeita okkur að því að vinna næsta leik eins og staðan er í dag.“
Nú voru leikmenn Tindastóls grunaðir um að hafa tekið þátt í veðmálasvindli en ekkert reyndist til í því. Hvernig tókst liðið á við þetta og hefur þetta haft truflandi áhrif? „Þetta er nátturulega fyrst og fremst leiðinlegt þegar einhver segir eitthvað um þig sem er ekki satt. Við getum ekki stjórnað því. Við einbeittum okkur að því að standa saman og halda áfram að bæta hluti sem við getum stjórnað,“ segir Baldur að lokum.
Lið Tindastóls er í 2.–3. sæti í deildinni með 14 stig en lið gestanna í 7.–9. sæti með 10 stig og það er því ekki himinn og haf á milli liðanna. Gestirnir byjruðu mótið illa en hafa verið að spila vel að undanförnu líkt og Baldur Þór segir. Leikurinn hefst kl. 19:15 – allir í Síkið og áfram Tindastóll!
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.