Jafnt hjá Hvöt og KS/Leiftri
Það verður ekki annað sagt um leik Hvatar og KS/Leifturs en að annað liðið sótti til sigurs en hitt til að landa einu stigi. Leikmenn Hvatar voru mun meira með boltann og sköpuðu sér mun fleiri opin færi í leiknum en inn vildi boltinn ekki og því sættust liðin á skiptan hlut. Hvöt er því áfram í 5. sætinu og KS/Leiftur í því sjöunda.
Fyrstu tíu mínútur leiksins voru nánast eign heimamanna en fyrsta almennilega færi kom þó ekki fyrr en fimm mínútum síðar er Hilmar Þór Kárason komst inn í teiginn hægra megin og átti gott skot á marki sem Nezir Ohram varði vel í horn. Upp úr horninu átti Damir Muminovic skalla í stöngina, þaðan barst boltinn til Egils Björnssonar sem átti skot á markið en það var varið á línu og fékk hann svo aftur en seinna skotið fór framhjá. Stuttu síðar einlék Frosti Bjarnason upp völlinn úr vörninni og var kominn inn í teig andstæðinganna þar sem hann var hindraður af tveimur leikmönnum gestanna en ekkert dæmt þrátt fyrir hávær mótmæli heimamanna.
Eftir þetta róaðist leikurinn nokkuð og úr varð miðjuþóf en Hvatarmenn þó mikið meira með boltann en KS/Leiftur hefði þó getað náð forystunni eftir herfileg varnarmistök Hvatarmanna en leikmaður gestanna var klaufi að klára ekki tækifærið. Staðan því jöfn í hálfleik 0-0.
Síðari hálfleikur hófst með góðri sókn Hvatarmanna en þá komst Bjarni Pálmason í gegnum vörn gestanna og átti ágætis skot sem markmaðurinn varði, frákastið tók Mirnes Smajlovic og skoraði en var dæmdur rangstæður. Gestirnir áttu tvö hálffæri eftir þetta en ekkert sem ógnaði marki heimamanna frekar en í fyrri hálfleik. Það var síðan um miðjan hálfleikinn sem næsta almennilega færið leit dagsins ljós er Jón Kári Eldon komst í gegnum vörn gestanna og átti skot á markið. Knötturinn fór undir markmann gestanna en á leið sinni í markið komst einn varnarmaður fyrir skotið og varði nánast á marklínu. Eftir þetta fengu bæði lið nokkur hálffæri en það var síðan á loka mínútu venjulegs leiktíma að Hvatarmenn tættu vörn gestanna í sig og boltinn barst fyrir markið frá vinstri. Þar var einn leikmanna Hvatar einn og óvaldaður á markteig og enginn Nezir í markinu en hann náði einhvern veginn að sópa boltanum yfir markið og þar sluppu gestirnir svo sannarlega með skrekkinn. Eftir þetta fjaraði leikurinn út og jafntefli staðreynd.
Því skal haldið til haga að Frosti Bjarnason lék heilann leik og að auki spilaði hann í lánsskóm frá formanni knattspyrnudeildar en þetta voru gamlir Pumaskór sem ekki höfðu verið notaðir fyrr á þessari öld.
/hvotfc.is
Fleiri fréttir
-
Ungir Húnvetningar æfðu með fagmönnum í körfuboltafaginu
feykir.is Austur-Húnavatnssýsla, Íþróttir, Lokað efni 23.09.2025 kl. 15.59Um helgina var spilaður körfubolti á Skagaströnd en þar mættust karlalið Fjölnis, Snæfells og Þórs Akureyri, spiluðu innbyrðist og brýndu vopn og samspil fyrir komandi átök í 1. deildinni í vetur. Þá buðu leikmenn Snæfells og Fjölnis ungum Húnvetningum upp á ókeypis námskeið í þessari skemmtilegu íþrótt sem körfuboltinn er.Meira -
Opinn kynningarfundur vegna Landsmóts hestamanna
feykir.is Skagafjörður, Hestar, Mannlíf 23.09.2025 kl. 15.41Það styttist í Landsmót hestamanna á Hólum 2026 og af því tilefni fer fram opinn kynningarfundur fer fram í Tjarnarbæ á morgun, miðvikudaginn 24. september 2025 kl 18:00. Boðið verður upp á súpu og áætlað er að fundurinn taki rúma klukkustund.Meira -
Hjólhýsabrakið væntanlega fjarlægt af Holtavörðuheiðinni í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.09.2025 kl. 11.57Sennilega hafa flestir þeir sem átt hafa leið yfir Holtavörðuheiði síðustu vikurnar furðað sig og jafnvel hneikslast á draslinu sem liggur við vegkantinn. Um miðjan ágúst gerði talsvert hvassviðri og splundruðust þá tvö hjólhýsi á sama kaflanum ofarlega í norðanverðri heiðinni samkvæmt upplýsingum Feykis. Brakið hefur ekki verið fjarlægt en í frétt á mbl.is í gærkvöldi var sagt frá því að Vegagerðin hyggst láta hendur standa fram úr ermum og ganga í málið í dag.Meira -
Söfnun fyrir Píeta gekk mjög vel
feykir.is Skagafjörður, Íþróttir, Lokað efni 23.09.2025 kl. 09.50Tindastóll lék á laugardag tvo æfingaleiki í Síkinu á Sauðárkróki gegn Ármanni. Allt er þetta partur af því að undirbúa sig fyrir komandi tímabil í Bónus deildum karla og kvenna sem hefjast í kringum næstu mánaðarmót.Meira -
Húsbrot og eldsvoði til rannsóknar á Sauðárkróki
feykir.is Skagafjörður 23.09.2025 kl. 09.10Lögreglan á Norðurlandi vestra hefur handtekið mann sem grunaður er um að hafa farið inn í hús og bifreiðar á Sauðárkróki og valdið eldsvoða í hjólhýsi, sem stóð fyrir utan íbúðarhús.Meira
