Karlafótbolti á Króknum og Hvammstanga í dag
Nú fer að styttast í afturendann á keppnistímabili tuðrusparkara og í dag fara fram tveir leikir á Norðurlandi vestra. Fyrst mæta Tindastólsmenn glaðbeittum Garðbæingum á Sauðárkróksvelli í 13. umferð 3. deildarinnar og seinni part dags mætir Kormákur/Hvöt vinalegum Vatnaliljum í D-riðli 4. deildar en leikurinn fer fram á Kirkjuhvammsvelli.
Lið Kormáks/Hvatar er í öðru sæti í riðlinum og má ekki við því að misstíga sig í baráttunni um sæti í úrslitakeppninni. Þeir mæta sem fyrr segir Vatnaliljunum á Kirkjuhvammsvelli sem er á Hvammstanga. Leikurinn hefst kl. 17 og um að gera að drífa sig á völlinn sem er nývökvaður, iðagrænn og óvenjulítið kalinn, samkvæmt færslu á aðdáendasíðu heimaliðsins. Þar segir líka að varamannaskýlin séu nýmáluð og hafa víst aldrei verið fallegri. Hver hefur ekki smekk fyrir fallegum og vel hirtum varamannaskýlum?
Á Króknum þurfa heimamenn að girða sig í brók eftir basl í síðustu umferðum. Aðspurður í gærmorgun um standið á leikmannahópi Stólanna fyrir leikinn gegn KFG, sem hefst kl. 14, ssgði Haukur þjálfari Skúla tvo leikmenn vera í leikbanni, Hólmar Daða og Konna fyrirliða. „Jóhann Daði er einnig frá. Þeir sem voru að glíma við veikindi [í síðasta leik] eru hins vegar orðnir klárir. Erum reyndar með þrjá leikmenn í sóttkví sem þurftu að fara í sýnatöku en tveir þeirra losna í dag og sá þriðji ætti að losna í fyrramálið,“ segir Haukur en tók fram að um varúðarráðstafanir hefði verið að ræða.
Fleiri fréttir
-
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira -
Upplýsingafundur Íslandspósts á Hvammstanga
feykir.is Vestur-Húnavatnssýsla 23.04.2024 kl. 09.36Feykir sagði frá því fyrr í vetur að Íslandspóstur hefði tekið ákvörðun um lokun fimm pósthúsa á landsbyggðinni og fimm útibúa að auki. Byggðarráð Húnaþings vestra mótmælti ákvörðun um að loka pósthúsinu á Hvammstanga en fá að öllum líkindum ekki snúið ákvörðuninni. Nú boðar Íslandspóstur til upplýsingafundar í Félagsheimilinu Hvammstanga mánudaginn 29. apríl kl. 17.Meira -
Baldur og Felix á Sauðárkróki og á Blönduósi í dag
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 23.04.2024 kl. 08.34Það hefur efalaust ekki farið framhjá neinum að það eru forsetakosningar framundan en kosið verður 1. júní. Næsta mánuðinn verða því forsetaframbjóðendur, sem stefnir jú í að verði nokkrir, á faraldsfæti og munu taka í hendur eins margra og auðið er. Í dag verða þeir Baldur og Felix á ferðinni hér norðan heiða og í dag heimsækja þeir Sauðárkrók og Blönduós – þar sem Felix bjó einmitt um tíma.Meira -
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.