Markasúpa og bikarinn á loft
Það var fjör á KS-vellinum á Króknum í gær þegar kvennalið Tindastóls tók á móti liði FH í Lengjubikarnum. Leikurinn minnti svolítið á sumarið 2019 hjá Stólastúlkum, þær skoruðu helling af mörkum og fengu helling á sig en lokatölur, eftir mikla dramatík á lokamínútunum þar sem víti fór í súginn, voru 4-5 fyrir gestina. Að leik loknum fór síðan fram verðlaunaafhending vegna sigurs Tindastóls í Lengjudeildinni í fyrra.
Lið FH var komið yfir eftir fjórar mínútur þegar Elín Björg skoraði. Esther Rós bætti við öðru marki á 13. mínútu en í millitíðinni höfðu heimastúlkur fengið ágætt færi sem fór forgörðum. Eins og stundum áður þá gekk Stólastúlkum illa að halda í boltann og þar munaði líka um að Jackie var fjarri góðu gamni. Þrátt fyrir óöryggi í vörninni er lið Tindastóls alltaf líklegt til að skora og Bryndís Rut, fyrirliði, sópaði boltanum í mark FH á 22. mínútu eftir að boltinn hafði dottið til hennar á auðum sjó. Lið FH lét boltann ganga hratt og stutt og þær voru snöggar að kvitta fyrir því Brynhildur Brá gerði þriðja mark Hafnfirðinga aðeins þremur mínútum síðar. Murielle slapp inn fyrir vörn FH á 32. mínútu, fékk langa sendingu fram og nýtti kraft sinn og styrk og skoraði af öryggi. Staðan 2-3 í hálfleik.
Elísa Lana og Elín Björg bættu við tveimur mörkum fyrir FH snemma í síðari hálfleik, staðan orðin 2-5, og stefndi í hálf dauflega verðlaunaafhendingu að leik loknum. Stólastúlkur settu þá undir sig hausinn og Laufey Harpa átti skot úr aukaspyrnu sem small í þverslánn. Á 62. mínútu minnkaði Krista Sól muninn með marki eftir ágæta skyndisókn og skömmu síðar minnkaði María Dögg muninn í eitt mark.
Þar við sat. María Dögg klikkaði á víti í uppbótartíma en bæði lið gerðu sitt besta til að bæta við mörkum. Amber var kominn í mark Tindastóls á ný og hún hafði nóg að gera; bæði við að sækja boltann í markið og oft á tíðum varði hún mjög vel. Lið FH spilar í 1. deildinni í sumar eftir að hafa fallið úr Pepsi Max-deildinni á síðasta ári en lið þeirra spilar fínan fótbolta.
Ágæt mæting var á leikinn enda veður hið besta og stuðningsmenn vildu samgleðjast liði Tindastóls sem fékk loka að lyfta bikarnum fyrir sigur í 1. deildinni (Lengjudeildinni) síðasta sumar og fengu stelpurnar afhenta verðlaunapeninga. Stemningin var ljúf og leikandi hress með flugeldasýningu og fögnuði. Það er enda ekki á hverjum degi sem lið Tindastóls lyfta bikar. Áfram Tindastóll!
Fleiri fréttir
-
Grunnskólinn austan Vatna komst bara víst í úrslit í Skólahreysti
feykir.is Skagafjörður, Íþróttir 01.05.2024 kl. 18.05Eitthvað klikkuðu reikningskúnstir Feykis í nótt þegar birtar voru niðurstöður í Skólahreysti. Þá var nánast fullyrt að Grunnskólinn austan Vatna í Skagafirði hefði naumlega orðið af sæti í úrslitum keppninnar skemmtilegu – en viti menn; í hádeginu í dag var tilkynnt á Facebook-síðu Skólahreysti að Grunnskólinn austan Vatna hefði sannarlega tryggt sér sæti í úrslitunum. Norðurland vestra er því með þrjá skóla af tólf í úrslitum Skólahreysti og ef það var snilld að eiga tvo skóla af tólf miðað við höfðatölu í nótt hversu geggjað er þá að eiga þrjá skóla í úrslitunum!?Meira -
Hermann Sæmundsson ráðuneytisstjóri fylgir Sigurði Inga sem skugginn
feykir.is Skagafjörður, Mannlíf 01.05.2024 kl. 14.00Fjármála- og efnahagsráðherra, innviðaráðherra og Skagfirðingurinn Hermann Sæmundsson hafa gert með sér samkomulag um flutning Hermanns í embætti ráðuneytisstjóra fjármála- og efnahagsráðuneytisins og mun hann taka við frá og með 1. maí 2024. Hemmi Sæm, sem er sonur heiðurshjónanna Sæmundar Hermannssonar frá Ysta-Mói í Fljótum og Ásu Helgadóttur, sem bæði eru látin, er alinn upp á Skagfirðingabrautinni á Króknum.Meira -
Grillaður fiskur og tiramisu
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 01.05.2024 kl. 12.40Matgæðingar vikunnar í tbl 24 í fyrra voru Ágúst Andrésson, þá forstöðumaður Kjötafurðastöðvar KS, og Guðlaug Kristín Pálsdóttir, sérfræðingur á Brunavarnasviði HMS. Ágúst og Guðlaug búa saman á Sauðárkróki og er Gústi borinn og barnfæddur í Skagafirði, nánar tiltekið á Bergstöðum, en Gulla ólst upp í Reykjavík og fluttist á Sauðárkrók í miðju Covid árið 2020. Þau erum eigendur að Norðar ehf. sem m.a. flytur inn vín frá Moldóvu og Ítalíu og hafa einnig staðið í eigin veitingarekstri og hafa mjög gaman af því að ferðast og borða góðan mat.Meira -
Litla hryllingsbúðin enn lokuð vegna veikinda!
feykir.is Skagafjörður, Listir og menning 01.05.2024 kl. 10.29Í gær tók Leikfélag Sauðárkróks stöðuna varðandi sýningarhald á Litlu hryllingsbúðinni en eins og áður var greint frá í Feyki varð að fresta frumsýningu sl. sunnudag vegna veikinda í leikhópnum. Því miður reyndist staðan þannig að fyrirhugðum sýningum á miðvikudag og föstudag hefur nú verið frestað um óákveðin tíma.Meira -
Úrslit í Vísnakeppni Safnahúss Skagfirðinga
feykir.is Skagafjörður, Aðsendar greinar, Listir og menning 01.05.2024 kl. 09.22Við setningu Sæluviku Skagfirðinga þann 28. apríl sl. voru að venju birt úrslit í vísnasamkeppninni, okkar árlega viðburði, vonandi verður keppnin haldin um ókomin ár. Markmiðið er að fá fólk til að botna fyrirfram gefna fyrriparta og einnig að yrkja vísu eða vísur um líflegt og litríkt forsetaframboð, hafa aldrei fyrr verið jafn margir til kallaðir á þeim vettvangi mun það verðugt rannsóknarefni. Þátttaka í keppninni var nokkuð góð, alls bárust okkur svör frá tíu hagyrðingum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.