Mur, Jackie og Amber verða áfram með Stólastúlkum
Nú á dögunum samdi Knattspyrnudeild Tindastóls við bandarísku leikmennina, Murielle Tiernan, Jackie Altschuld og Amber Michel um að spila áfram með liði Tindastóls næsta sumar. Þá mun lið Tindastóls taka þátt í Pepsi Max deild kvenna og ljóst að það er mikið ánægjuefni að þessar frábæru stúlkur munu verða áfram á Króknum og taka þátt í ævintýrinu.
Markadrottningin Mur mun þá spila fjórða tímabil sitt með liði Tindastóls, leikstjórnandinn Jackie það þriðja og Amber verður sitt annað sumar í markinu. Þær áttu allar frábært tímabil með liði Tindastóls í sumar og haust. Tríóið góða fór fyrir stuttu heim til Bandaríkjanna en er væntanlegt aftur í Skagafjörðinn í byrjun næsta árs þegar undirbúningur fyrir komandi tímabil fer á fullt.
„Það er gríðarleg ánægja hjá félaginu með að hafa tryggt sér undirskriftir þeirra Mur, Jackie og Amber. Ég er mjög ánægður með að við í stjórn náðum að klára samninga við þær áður en þær fóru í smá frí. Þessar þrjár eru ekki aðeins partur af liðinu heldur líka partur af Tindastóls fjölskyldunni og kom aldrei neitt annað til greina hjá þeim en að skrifa undir og taka þátt í ævintýrinu sem bíður liðinu á næsta ári,“ sagði Rúnar Rúnarsson, formaður knattspyrnudeildar Tindastóls, þegar Feykir hafði samband.
Að sögn Rúnars er hafin vinna við að semja við þjálfara fyrir komandi tímabil og einnig er unnið að samningsmálum annarra leikmanna liðsins. Þá segir hann enn óljóst hvenær KSÍ afhendi liði Tindastóls bikarinn góða fyrir sigur í Lengjudeildinni en bikarinn hefði farið á loft á Sauðárkróksvelli síðastliðinn sunnudag, í sól og logni en takmörkuðum sumaryl, ef ekki hefði verið fyrir hertar COVID-aðgerðir.
Fleiri fréttir
-
Rusl plokkað um allan Skagafjörð
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 08.05.2024 kl. 15.35Umhverfisdagur Fisk Seafood var laugardaginn 4. maí sl. og hefur aðsóknin aldrei verið meiri. Fjöldi fólks plokkaði rusl um allan Skagafjörð og var ræst til verks á slaginu tíu.Meira -
Helgi stoltur af öllum stelpunum
feykir.is Skagafjörður, Íþróttir 08.05.2024 kl. 12.11„Ég veit ekki með lukku en það munaði allavega ótrúlega mjóu í síðustu tveimur leikjum að sigurinn hefði verið okkar,“ sagði Helgi þjálfari Margeirsson þegar Feykir spurði hann hvort það hefði bara verið lukkan sem réð úrslitum í viðureign Tindastóls og Aþenu í gærkvöldi. Aþena hafði betur eftir hnífjafnan leik og tryggði sér því sæti í Subway-deildinni, sigraði einvígi liðanna 3-1.Meira -
Skagstrendingar plokka á uppstigningardag
feykir.is Austur-Húnavatnssýsla, Mannlíf 08.05.2024 kl. 11.48Fimmtudaginn 9. maí, á sjálfan uppstigningardag, stendur Sveitarfélagið Skagaströnd fyrir umhverfis- og plokkdegi. Því eru íbúar hvattir til þess að stökkva út í sumarið og plokka rusl á opnum svæðum í sveitarfélaginu og fegra sitt helsta nærumhverfi.Meira -
Draumur Stólastúlkna varð ekki að veruleika þetta vorið
feykir.is Skagafjörður, Íþróttir 08.05.2024 kl. 09.43Draumur Stólastúlkna um sæti í Subway-deildinni í haust rættist ekki þetta vorið en mikið óskaplega voru þessir síðustu þrír leikir gegn liði Aþenu spennandi. Fjórði leikur liðanna fór fram í Síkinu í gærkvöldi og lið Tindastóls varð að næla í sigur til að tryggja sér oddaleik. Leikurinn var hnífjafn – þá erum við að tala um að hann var HNÍFJAFN allan tímann – og staðan til dæmis 72-72 þegar tvær mínútur voru til leiksloka. Eins og í þriðja leiknum reyndist Sianni Martin það sem skildi á milli á lokasekúndunum og lið Aþenu gerði fimm síðustu stig leiksins. Lokatölur 72-77 og Aþena vann þar með einvígið 3-1.Meira -
Leikjum ýmist frestað eða þeir færðir til
feykir.is Skagafjörður, Íþróttir 08.05.2024 kl. 09.04Sauðárkróksvöllur er í lamasessi líkt og flestum ætti að vera kunnugt. Meistaraflokkur karla hjá Tindastóli átti að hefja keppni í 4. deild í kvöld og spila heima gegn liði Skallagríms. Leiknum hefur hins vegar verið frestað og færður aftur í júníbyrjun. Þá átti Bestu deildar lið Tindastóls að spila við Fylki á Króknum á morgun, fimmtudag, en sá leikur verður spilaður á Akureyri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.