Murr með þrennu á Seltjarnarnesinu
Stólastúlkur léku þriðja leik sinn í Lengjubikarnum í gærkvöldi þegar þær sóttu lið Gróttu heim á Vivaldivöllinn á Seltjarnarnesinu. Heimastúlkur voru yfir í hálfleik en þrenna frá Murielle Tiernan á korterskafla í síðari hálfleik lagði grunninn að 2-3 sigri Tindastóls.
Samkvæmt áreiðanlegum heimildum fór leikurinn fram í skítaveðri eins og stundum áður í höfuðborginni. Diljá Mjöll Aronsdóttir kom Gróttu yfir á 26. mínútu og staðan var 1-0 í hálfleik. Það var síðan á 62. mínútu sem Murr jafnaði leikinn og hún kom Stólastúlkum yfir sex mínútum síðar. Hún gerði síðan þriðja markið á 76. mínútu en Rakel Lóa Brynjarsdóttir minnkaði muninn fyrir Seltirninga í uppbótartíma. Lokatölur því 2-3 fyrir Tindastól og hafa stelpurnar unnið alla þrjá leiki sína í Lengjubikarnum til þessa.
Stelpurnar héldu í morgun í æfingaferð til Spánar þar sem þær dveljast í um vikutíma. Þær eiga eftir að spila einn leik í Lengjubikarnum, gegn Fjölni úr Grafarvogi, en þar er toppsæti riðilisins í húfi því Fjölnisstúlkur hafa unnið báða sína leiki. Leikur Tindastóls og Fjölnis fer fram 14. apríl á gervigrasinu á Króknum.
Fleiri fréttir
-
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira -
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.