Öruggur sigur í æfingaleik gegn Hetti
Tindastóll og Höttur Egilsstöðum mættust í gær í síðasta æfingaleik Stólanna fyrir átökin í Dominos-deildinni í vetur. Stuðningsmenn fjölmenntu í Síkið og sáu kaflaskiptan leik liðanna en sigur Tindastóls var sannfærandi. Lokatölur 92-77.
Lið Tindastóls er mikið breytt og miðað við byrjunarliðið í gærkvöld var Pétur Birgis einn eftir af byrjunarliðinu frá því á síðasta tímabili. Ásamt Pétri voru það þeir Urald, Danero, Dino og Brynjar sem hófu leik og Brynjar var ekki lengi að láta vita af sér, setti niður þrist í einum grænum. Fyrsti leikhluti var reyndar frekar sultulegur en Stólarnir voru þó yfir að honum loknum, 18-17. Í öðrum leikhluta fóru heimamenn rösklega upp á tábergið og léku gestina grátt. Skellt var í lás í vörninni sem skilaði þægilegum körfum á hinum endanum og það var ágætur neisti í liðinu. Leikmenn Hattar voru heillum horfnir og þrátt fyrir kröftuga yfirhalningu frá Viðari þjálfara um miðjan leikhlutann gekk hvorki né rak í sókninni. Í hálfleik höfðu Stólarnir náð ríflega 20 stiga forystu, staðan 45-23.
Þrátt fyrir ágæta byrjun Hattar í þriðja leikhluta þá tóku Tindastólsmenn fljótlega yfirhöndina og héldu áfram að auka muninn sem var um 30 stig fyrir lokafjórðunginn. Þegar aðeins þrettán mínútur voru eftir af leiknum höfðu aðeins þrír gestanna skorað í leiknum en þeir lagfærðu þá tölfræði á síðustu mínútunum. Þá fengu óreyndari leikmenn Tindastóls að spreyta sig og þeim gekk ekki nægilega vel að klára sóknirnar en gestirnir fóru að hitta vel fyrir utan og söxuðu á forskotið sem var 15 stig þegar upp var staðið.
Það er ljóst að það mun taka smá tíma fyrir Stólana að læra að spila saman en leikmennirnir eru góðir þannig að það ætti varla að vefjast fyrir þeim. Brynjar Þór var atkvæðamestur Tindastólsmanna þrátt fyrir að vera lítið sem ekkert með í síðari hálfleik; hann gerði 19 stig og átti sex stoðsendingar.
Næst mæta Tindastólsmenn í DHL-höllina á sunnudag þar sem Íslandsmeistarar KR taka á móti bikarmeisturunum og síðan hefst alvaran á fimmtudag þegar Þór Þorlákshöfn kemur í heimsókn í Síkið í fyrstu umferð Dominos-deildarinnar.
Stigahæstu men í gær:
Brynjar Þór 19 stig
Urald King 16 stig
Danero Thomas 12 stig
Stoðsendingar:
Brynjar 6 stoðsendingar
Dino Butorac 5 stoðsendingar
Pétur Rúnar 4 stoðsendingar
Danero Thomas 4 stoðsendingar
Fráköst:
Urald King 7 fráköst
Danero Thomas 5 fráköst
Helgi Rafn 4 fráköst
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.