Stólarnir mæta hanskalausir í Njarðvíkina í kvöld
Það er mikilvægur körfuboltaleikur í kvöld í Njarðvík þegar heimamenn fá lið Tindastóls í heimsókn. Það er óhætt að segja að bæði lið hafi valdið vonbrigðum það sem af er móti en þau eru jöfn í 8.-9. sæti deildarinnar með tíu stig. Ljóst er að lið Tindastóls verður án Shawn Glover sem hefur að sögn Ingós formanns yfirgefið herbúðir Tindastóls. „Spilar ekki í kvöld og sennilega aldrei aftur fyrir Tindastól – þó maður eigi aldrei að segja aldrei,“ segir Ingó.
Aðspurður um hvort rétt sé að Glover hafi neitað að spila í leiknum gegn KR síðastliðinn sunnudag segir Ingó: „Já, hann neitaði að spila, umbinn snéri því i hringi og útkoman var að við létum hann yfirgefa klúbbinn og Ísland. [Það er] alltaf leiðinlegt að lenda i svona aðstæðum og samræðum við umba og leikmann.“
Eftir tap gegn KR í síðustu umferð voru Stólarnir í áttunda sæti Dominos-deildarinnar en síðan þá hafa Valsmenn skotist upp fyrir þá eftir sterka sigra á ÍR og KR. Tindastólsmenn eru því komnir bæði í baráttu fyrir lífi sínu í efstu deild og um að næla í sæti í úrslitakeppninni. Það er ekki beinlínis sú sviðsmynd sem menn sáu fyrir sér í byrjun móts.
Vonandi fylgja ferskir straumar og betri varnarleikur Flenard Whitfield og liðið fer að sýna sparihliðarnar. Það er eiginlega alveg bráðnauðsynlegt. Leikurinn í kvöld hefst kl. 20:15 og er í beinni á Stöð2Sport.
Fleiri fréttir
-
Blanda og Svartá til leigu frá og með sumrinu 2025
feykir.is Austur-Húnavatnssýsla 07.05.2024 kl. 19.52Húnahornið greinir frá því að laxveiðiárnar Blanda og Svartá hafi verið auglýstar til leigu frá og með sumrinu 2025. Einkahlutafélagið Starir er með vatnasvæðið á leigu í dag en núgildandi leigusamningur rennur út í haust. Því óskar Veiðifélag Blöndu og Svartár eftir tilboðum í leigu eða umboðssölu á öllum veiðirétti félagsins í laxveiðiánum frá og með sumrinu 2025 til og með 2029 með almennu útboði.Meira -
Sr. Guðrún Karls Helgudóttir næsti biskup Íslands
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 07.05.2024 kl. 15.15Nú liggur það ljóst fyrir hver verður biskup Íslands eftir síðari umferð biskupskosninganna lauk á hádegi í dag 7. maí og hlaut Sr. Guðrún Karls Helgudóttir flest atkvæði 1060 eða 52,19%. Sr. Guðmundur Karl Brynjarsson fékk 954 atkvæði eða 46,97%.Meira -
Katrín heimsækir Norðurland vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 07.05.2024 kl. 14.40Fyrstu kappræður þeirra tólf frambjóðenda sem stefna á Bessastaði fóru fram í Sjónvarpinu sl. föstudag og vöktu talsverða athygli og gott áhorf. Nú eru tæpar fjórar vikur til kjördags og því eru forsetaefnin komin á fulla ferð í eltingaleiknum um atkvæði kjósenda. Katrín Jakobsdóttir er mætt til leiks og er á ferð um landið en næstu tvo daga verður hún á Norðurlandi vestra; fundar á Blönduósi og Sauðárkróki miðvikudaginn 8. maí og á Hvammstanga degi síðar.Meira -
Hryllingsbúðin fer alveg að opna
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 07.05.2024 kl. 14.13Nú er útlit fyrir að að Litla hryllingsbúðin fari að opna. Stefnt er að frumsýningu föstudaginn 10. maí. Sýningin sem átti að fara fram miðvikudaginn 8. maí fellur hinsvegar niður.Meira -
Hópslysaæfing við Blönduós á laugardaginn
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 07.05.2024 kl. 11.37Nú laugardaginn 11. maí verður haldin stór hópslysaæfing í umdæmi lögreglustjórans á Norðurlandi vestra. Fram kemur í tilkynningu á FB-síðu LNV að vettvangur æfingarinnar/slyssins verður ofan Blönduóss eða á gatnamótum Ennisbrautar og Neðribyggðarvegar. Af þeim sökum verður Ennisbraut lokuð við Mýrarbraut og Þverárfjallsveg frá kl.11:00 og fram eftir degi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.